ملتقى شرورة

ملتقى شرورة (http://www.sharurah.com/vb/index.php)
-   ملتقى الأدب والشعر والروايات (http://www.sharurah.com/vb/forumdisplay.php?f=18)
-   -   قصيدة نادرة للملك فهد رحمه الله. (http://www.sharurah.com/vb/showthread.php?t=7735)

المتميز 28 Aug 2008 01:13 AM

قصيدة نادرة للملك فهد رحمه الله.
 
مرحبا بكم جميعا ً

اليوم كنت قاعد أتصفح أحد المواقع العربية ووجدت هذهالقصيدة النادرة للملك فهد رحمة الله

قصيدة خادم الحرمين الشريفين الملك \ فهد بن عبدالعزيز رحمه الله عندما كان مريضا في لندن في شهر شوال من عام 1385هجري حيث بعثها الى المرحوم الامير فهد بن سعد يشكو فيها قساوة المرض


يابو سعد صارت على اخوك غارات...شهرين اقاسي مـن شديـد الغرابيـل سو المرض يحمل على اخوك حملات....مافي يدي حيله ولا في يـدي حيـل والله فزع من فوق سبـع السمـاوات....وانا احمد الله يوم صـارت تساهيـل ماينفع الخايـف والايـام عجـلات....الخوف ماينفـع ولا القـول والقيـل حنا هل العوجـا ولا بـه مـروات....شرب المصايب مثل شرب الفناجيـل لاشك انا مشغول في كـل الاوقـات...على الـذي حنـا بظلـه رجاجيـل ماني على نفسـي كثيـر الحسافـات....لاسلم راسه روسنـا رفـاع بالحيـل حامـي حمانـا بالليالـي المخيفـات....لو صـار بالعالـم كثيـر الزلايـل فخر العروبـه بالعـدل والمسـاواه....هذاك هو فيصـل ولا فيـه تشكيـل يشهد له اللـي شاهـدوا منـه ليـات....ويشهد له التاريخ جيـل بعـد جيـل

فاجابه الامير \ فهد بن سعد رحمه اللهبهذه القصيده :

يامرحبـا بكتـاب زبـن المـخـلات....اهـلا هلابـه عـد وبـل الهماليـل حمـدت مـن زال الكـدر بالمسـرات.....فكاك مـن صكـت عليـه المحابيـل فـزع لـك اللـي عالـم بالخفـيـات....مبري جروح ايوب غيـث المراميـل لعل مايزعج علـى فقـدك اصـوات....ولعلهـا لـك يابـو فيصـل تماهيـل الله يجيرك مـن صواديـف الافـات....عسـاك تسلـم ياعشيـر المشاكـيـل ماانت برخيـص ياربيـع القرابـات......لو هي بالايدي كان دونـك حلاحيـل ترا لنا بـك يافتـى الجـود هقـوات....في وقتنا الحاضـر وباللـي مقابيـل يفـداك ربـع قصـروا بالمهـمـات.....اللي علـى القـالات ماتنطـح الشيـل بعض العرب حي ومن عرض الاموات.....مايرتجـي نفعـه بحـل المشاكـيـل وفيصـل ذرانـا بالسنيـن المخيفـات.....هو درعنا الضافي الى ضدنـا الميـل اللـي نقـل عنـا حمـول ثقـيـلات.............راس الحصيـل ان كملـن الحصيـل


................................ رحم الله فقيد أمتنا العربية والإسلامية................................

فــزاع 28 Aug 2008 01:36 AM

رحم الله خادم الحرمين الشريفين

قصيده جميله ونادره ومعبره في نفس الوقت

عن معاناة أخيه الامير فهد بن سعد من المرض .

رحمهم الله .

مشكور على النقل اخي المتميز.

المتميز 28 Aug 2008 05:40 PM

مشكور اخوي فزاع على المرور الأكثر من رائع ودمت بود..............

عيناوي 28 Aug 2008 06:27 PM

الله يرحمه ويغفر له

يسلمووو يا المتميز على القصيده

المتميز 30 Aug 2008 03:29 AM

عيناوي مرورك أبهجني و زاد موضوعي روعه تقبل تحياتي.................


الساعة الآن 02:59 PM.

Powered by vBulletin® 2011
كل مايطرح بالملتقى لا يعبر عن رأي الإدارة وإنما يعبر عن رأي كاتبه