|
يخلـف الله علي !
بسم الله الرحمن الرحيم عـــدت لكم بعد انقطآع طووويل ، بيوت الشعر كم قدلك على حوض الضمير حيام وكم قد للجيوب اللـي تضـم الحـزن مبنوقـه إذا الموقف يهـزك لاتمشـي حثـي الدرهـام انا مانيب سالي لاجل اغش الشعـر وطروقـه أنا بـي لوعـةٍ حظـي يجددهـا مـع الايـام وقلبي لا مضى عـامٍ مضـى للفايـت يتوقـه أنا بي غصةٍ تخجل حزن ثكلـى ودمـع ايتـام وغصة عود لاذبحـوا عيالـه واقفـوا بنوقـه انا بي عبرةٍ تبكي الأسيـر وتجـرح المنظـام وتلعب في الضعيف اللي زمانه ضيـع حقوقـه خذيت الهم من عين الفقير اللي عليـه أتـوام بساط الفقر من تحته وعز النفس مـن فوقـه واخذت الياس من صدر البريء اللي عليه إعدام قطع حبل الرجا وأيامه من المـوت مسروقـه يخلف الله علي فيما مضى لي من حـزن وآلام أدور حاجـةٍ ماهيـب لاطــردت بملحـوقـه شعفني هاجس الذكرى وجا متلبـسٍ الانسـام وشعفني وأبلش القلب العليـل وجـدد افتوقـه وأنا مركب حزن وسط الهوى والطاري النهـام وجوارح جسمي تردد وراه الصـوت وتشوقـه وتذكرته وانا قد لي من الذكرى حوالـي عـام اقول ايام في عمـري مـن التاريـخ مشقوقـه حرام اني لااعانق هاجس الذكرى ولـع وهيـام واجيب الحزن كله لين اسوق الدمـع ويسوقـه وآسولف له ويدري عن جروح بي ماهيب نيام ولكن آتحاشى مـس جـرح القلـب وعروقـه وآصوت للبعيد اللي على عرش الضماير قـام ثلاث سنين لاشد الرحـال ولارخـص سوقـه وآبنشد وشهي احواله بعـد مامـر عـامٍ تـام على البين وعلى العهد وعلى شوفه ومنطوقـه عسى ذيك العيون اللي نظرهـا دايمـاً سلهـام تسلهم تذكر اللي مـن هدبهـا غربلـة شوقـه وعسى قلبه يضخ من الوفا ذكراي في الصمـام وعسى رمش الوفا دمعه من الفرقا جرح موقه تـراه اللـي سكـن قلبـي ولاعقبـه ولاقـدام سكن به والدليل إنـه جريـح ولا بـرا عوقـه خيالي دامك اللون الحزيـن بريشـة الرسـام أنا صورة حزن عن ريشـة الرسـام مفهوقـه عـذاب الحب..لافرقا..ولازله..وعـظ ابـهـام عذاب الحـب معشـوقٍ تذكـر زول معشوقـه وذي يا هاجس الذكرى علومي والسلام ختـام وآبعطيك العهد وإحـذر تـزل العهـد وتبوقـه وأحملك الامانـه لاتجينـي كـون دور العـام أنا مانيـب قـادر كـل يـوم لحزنـك آذوقـه الشاعر / بريــك بن هادي :heart: |
رد: يخلـف الله علي !
صح لسان قايلها
وسلمت يمناك على النقل لا تحرمنا جديدك .... |
رد: يخلـف الله علي !
انتقاء عذب كما عودتنا طفاف سلم لنا نبضك وحسك ودام لنا جديدُ عطاياك ..... |
رد: يخلـف الله علي !
اقتباس:
، ويميـنك سالمـه مرورك شرف ، |
رد: يخلـف الله علي !
اقتباس:
، العذب مرورك .. مرورك شـررف |
رد: يخلـف الله علي !
أنا بي غصةٍ تخجل حزن ثكلـى ودمـع ايتـام
وغصة عود لاذبحـوا عيالـه واقفـوا بنوقـه انا بي عبرةٍ تبكي الأسيـر وتجـرح المنظـام وتلعب في الضعيف اللي زمانه ضيـع حقوقـه خذيت الهم من عين الفقير اللي عليـه أتـوام بساط الفقر من تحته وعز النفس مـن فوقـه واخذت الياس من صدر البريء اللي عليه إعدام قطع حبل الرجا وأيامه من المـوت مسروقـه يخلف الله علي فيما مضى لي من حـزن وآلام أدور حاجـةٍ ماهيـب لاطــردت بملحـوقـه ^ قصيده جميله سلمت يدآك |
رد: يخلـف الله علي !
قصيده جميله
لاهنت على النقل المميز :newua (10): |
رد: يخلـف الله علي !
عـذاب الحب..لافرقا..ولازله..وعـظ ابـهـام عذاب الحـب معشـوقٍ تذكـر زول معشوقـه صح لسانك ويعطيك العافية |
رد: يخلـف الله علي !
ايه راحواا الطيبين طفاف والشله :sad_1::sad_1: يعطيك العافيه ي متنبي المنتدى :icon_cheesygrin: :icon_cheesygrin: انا مريت من هووون ( معاند جروحه ) :icon_redface: :icon_wink: |
رد: يخلـف الله علي !
تـراه اللـي سكـن قلبـي ولاعقبـه ولاقـدام
سكن به والدليل إنـه جريـح ولا بـرا عوقـه ابيات راقيه وقصيده رائعه راقت لي كثير في قمه الذوق وتفقدني أحرفي فـ لا تجد داخلي تعبيراً مناسب ... يصف ما بـ حوزَة السطور ... من جمال و ألق أكتفي لك أخي بـ كل الشكر |
| الساعة الآن 12:16 PM. |
Powered by vBulletin® 2011
كل مايطرح بالملتقى لا يعبر عن رأي الإدارة وإنما يعبر عن رأي كاتبه