ملتقى شرورة

ملتقى شرورة (http://www.sharurah.com/vb/index.php)
-   ملتقى الأدب والشعر والروايات (http://www.sharurah.com/vb/forumdisplay.php?f=18)
-   -   ي صعب المفاارق ! (http://www.sharurah.com/vb/showthread.php?t=55811)

طفآف 04 Aug 2012 07:00 AM

ي صعب المفاارق !
 


على راس رجم مابدا فيه كون اثنين
حـــرام على متريح البــال يرقا بــــه

بداه الفقير المومن اللي جفاه الدين
وسلـــم يديه لواحــد ماقفل بابـــه

وسجد ركعتين وفاضت عيونه الثنتين
وطلب عفــو ربــه يوم لقياه وحسابه

وبداه الجريح اللي فقد نعمة السالين
بعد ماتقــافــت سود الايام باحبابـه

بدابه وهو مابين ياللــه وبين امــين
لعل الفرج في طلعة الرجم وارقابه

وحول وهو مابين ونه ودمعة عــين
وضحك من صواديف الزمن وتقلابه

لمح يوم شرف تالي ضعونهم مقفين
شهاتيك قطعان اريش العين واركابه

على وين مدري لكن اقفو ولا ادري وين
تناحــو وقفـــو عادلــي فيهـم اطلابــه

بغت كبدي من افراقهم تنقسم نصفين
وسمها الحزن و ظروف الايام غلابه

وجودي على ساعة لقاء عاد حن حين
وجودي عليه وبري حالي من غيابه

ياصعب المفارق بين الاحباب والغالين
خصوصٍ ليا صرت واحد من اسبابه

افراق يجي من بعد عشرة ثمان سنين
ولا فـــيـــه يـــوم يمـــرنا مالـــتقــيــنابـــه

تمر السنين ويمضي من العمر ثلثين
وانا كل يوم يمر مــافكـــر الابـــه

اقول اسقني باموت ويقولي بعدين
يلين اقفت صدوف الليالي بمشرابه

طوير الوصل كسر جناحه وطار بزين
وخدين المفارق جاك يومي بمشعابه

غدت جيته حرم ٍ علي لين يوم الدين
وغدت شوفته لوهي على الطاير انهايه

يقولون بعد القلب ماهوب بعد العين
وانا اقول بعد العين والقلب متشابه

تراني نذيرك ياقتيل الهوا المسكين
نصيحة مجرب مره الحزن واقفابه

دخيلك تجنب قولة عاد حن ممدين
الايام عجله والعمر مايضحابه !

راااقت لي :newua (10):

somaya 04 Aug 2012 07:29 PM

رد: ي صعب المفاارق !
 
صح لسان القايل ,,
قصيدة في غاية الروعة .. ومعببــرة
أوردت بعضا من مر الفراق و حال البعض منه..


يعطيــكـ العافية ,,:newua (10):

جــــرح الزمــــن 04 Aug 2012 07:34 PM

رد: ي صعب المفاارق !
 
صح لسان الشااعر


اللي يروق لك يروق لنا


احسنت الاختيار



...

الكونتيسا 05 Aug 2012 04:21 AM

رد: ي صعب المفاارق !
 
انتقاء عذب
سلمت يمناك طفاف
ولا عدمناك ....

Ĥėиo 05 Aug 2012 10:31 AM

رد: ي صعب المفاارق !
 
المؤت اصعب فراق

قصيده رائعه
صح لسان شاعرها
دؤم اختيارك حلؤ سلممممت

jojo... 05 Aug 2012 02:35 PM

رد: ي صعب المفاارق !
 
صح لسان قايلها
انتقاء رائع
الله يعطيك العافية ...


الساعة الآن 07:05 PM.

Powered by vBulletin® 2011
كل مايطرح بالملتقى لا يعبر عن رأي الإدارة وإنما يعبر عن رأي كاتبه