ملتقى شرورة

ملتقى شرورة (http://www.sharurah.com/vb/index.php)
-   ملتقى الأدب والشعر والروايات (http://www.sharurah.com/vb/forumdisplay.php?f=18)
-   -   شفته وانا بلسووووووق .!! (http://www.sharurah.com/vb/showthread.php?t=52378)

سلطان شروره 11 Feb 2012 09:11 PM

شفته وانا بلسووووووق .!!
 


بعد خمس سنين مرت آه أنا بالسوق شفته..
صدفه جابتني لدربه من بعد خمسة سنين


والله إني من سمعته سـِـلم البايع عرفته..
إلتفت بلهفة اللي حيل مضنيها الحنين

لكـِـن الصدمه عظيمه شايل.ن بيديه بنته..
ومعه أم البنت تمشي شابكـِـه فيه اليدين..

وقتها دارت بي الدنيا وحزني ما احتملته..
حارت دموعي وأواسي نفسي: يا ريم ; اليقين

وصرت أفكـِـر يعني يعرفني مثل ما أنــا عرفته..
وإلا ناسي قلبي اللي مارضى بغيره ضنين

دق جواله ونزل من على الاحضان بنته..
وخثعت بنته ونادى: ريم لا لا توقعين..

قمت أناظرها ودمع احتار بعيوني ذرفته
استوت هالدنيا عندي عادي لو موتي يحين..

انحنيت أبوس ريم وخدها الايمن لمسته
التفت لي وقال لي: ياهيه فيها وش تبين..

قمت أتجاهل واسوي نفسي كـِـني ماسمعته..
قال: يااختي ابعدي عنها ولاتستهبلين..

ويوم قرب لي, بعيني من ورا البرقع خزرته..
وإنكـِـسر صمتي وقلت: الله على الدنيا يعين..

طاح جواله, تلعثم قال: أنا بحلم.ن حلمته..
وإلا واقع فهميني ليه عني تبعدين..

ليه عني ماسألتي وأنا هذا الكـِـون بعته..
لجل عينكـِـ ياعيوني وما أظنكـِـ تجهلين..

أنا من بعدكـِـ يا ريمي حتى طاري العرس عفته..
ناظري فيني وشوفي كـِـيف من بعدكـِـ حزين..

والله إني ما أنام إلا وماضينا ذكـِـرته..
أنتي وحدكـِـ من جعلتي قلبي القاسي يلين..

أقسم بربي غلاكـِـ بيوم ماعمري جحدته..
ماإلتفت لبنت غيرك ما سمعت العاذلين..

ماسهجت دروب غيرك دربكـِـ اللي بس سهجته..
وش أسوي لجل ياروحي كلامي تصدقين..

حتى شوفي هذي أختي تشهد بصدق اللي قلته..
وهذي طفلتها على اسمكـِـ اسمها وتستاهلين..

صدقيني مانسيتكـِـ حبكـِـ الصادق حشمته..
حتى حرف الراء منك باقي له بإذني رنين..

قلت: ....., قال: سمي, قلت: أنا والله صنته..
حبكـِـ اللي كان أصفى من ورود الياسمين..

كم طلبني واحدن غيرك وأنا لجلكـِـ رفضته..
وكـِم تحملت الغثاء واسمع شماتة شامتين..

وكم لجل عينكـِـ بكيت وحتى ليلي لك سهرته..
حيل ذابحني غيابكـِـ وفرحوا بي الحاسدين..

وأنت تدري بأن حبي ماأبالغ لو وصفته..
بأنه أصدق حب يحصل في حياة الصادقين..

قال لي: يا ريم ربي يشهد بدمع.ن نثرته..
ويشهد إني وافي لحبكـِـ ولاسراركـِـ أمين..

إرجعي لأبوكـِـ قولي: نصفي الثاني وجدته
واحتريني جايب.ن مهركـِـ ودبله باليمين..

إبتسمت وقلت في نفسي حرام إني ظلمته..
ثم طلعت من المحل والفرحه بعيوني تبين

وقمت أتمتم في طريقي: هذي أخته,هذي أخته..
وآآه يازين الوفاء لاصار بين العاشقين -

مما رااااااااق لمحبكـــ سلطاااان شروره ــــم .....





صيعہہري گشہخہهہ، 11 Feb 2012 09:29 PM

رد: شفته وانا بلسووووووق .!!
 
خاطره رإأأيعه يعطيك العافيه ....!؟

آخر العنقود 11 Feb 2012 10:56 PM

رد: شفته وانا بلسووووووق .!!
 
ماراق لك.. يروق لنا

قصيدة معبرة .. مشكور على النقل

ولا تحرمنا جديدك ..

..................

ملاحظة بسيطة لو حطيتها بقسم الشعر كان أفضل ..


تقبل مروري
:newua (10):

الكونتيسا 12 Feb 2012 04:03 PM

رد: شفته وانا بلسووووووق .!!
 
ما راق لك راق لنا
انتقاء رائع لهذه الأبيات
شكرا بلا عدد ...

سلطان شروره 12 Feb 2012 07:15 PM

رد: شفته وانا بلسووووووق .!!
 
شكر لكل من مر من هنا ..!
شكرآ لكل من شارك في متصفحى هذا ..!

جــــرح الزمــــن 13 Feb 2012 06:00 PM

رد: شفته وانا بلسووووووق .!!
 
كلمات جميله فيها من الحزن والشوق الشي الكثير

دامها راقت لك اكيد بتروق لنا

اشكرك

دمت بحفظ الرحمن

ريم الشمال 16 Feb 2012 01:55 PM

رد: شفته وانا بلسووووووق .!!
 
قصيده رآئعه .. .."
وراقت لنا ايضا..
الله يعطيك العآفيه ع الطرح ..
دآم آبدآعك .. وتوآجدك .."
ودي وتقديري .."لسموكم الكريمـ....

ṀǍŃṨİṰҚ 16 Feb 2012 07:22 PM

رد: شفته وانا بلسووووووق .!!
 
لاشك قصيده تروق لـ كل متذوق ..
والاروع القصه التي تحكيها القصيده ..

سلطان شروره .. مبدع دائماً .. دمت بخير ..

سلطان شروره 16 Feb 2012 08:55 PM

رد: شفته وانا بلسووووووق .!!
 
شكرآ لكل من هنا ..!
واسعدتنى مشاركتكم ..
دمتم بسعااااااادة ..


الساعة الآن 05:19 PM.

Powered by vBulletin® 2011
كل مايطرح بالملتقى لا يعبر عن رأي الإدارة وإنما يعبر عن رأي كاتبه