التسجيل التعليمـــات قائمة الأعضاء التقويم اجعل كافة الأقسام مقروءة
  رقم المشاركة : ( 1 )  
قديم 22 Dec 2010, 03:37 AM
الصورة الرمزية توم كروز
 

 الأوسمة و الجوائز
آخر تواجد للعضو
 بيانات الاتصال بالعضو
 اخر مواضيع العضو
  توم كروز غير متواجد حالياً  
الملف الشخصي
رقــم العضويـــة : 7140
تـاريخ التسجيـل : Oct 2009
المشاركـــــــات : 637 [+]
عدد الـــنقــــــاط : 20
قوة التـرشيــــح : توم كروز صاعد
Talking حينما تعشق الشوكولاته عدد المشاهدات 452 / عدد الردود 1

السلام عليكم ورحمة الله وبركاته

صباحكم - مسائكم ورد وجوري


في الحقيقه والواقع انا حاب افتح باب نقاش لاحدى المواضيع



فلذالك
المطلوب منكم هو كالاتي:-

واحد: عدم الفلسفه الجديه..نبي فلسفه هزليه.

اثنين: جيبوا فشار وببسي واستمتعوا بالقرائه.

ثلاثه:اتمنى من اي انسان سامج يجي ويجلس جمبي

اربعه: اذا طبقتوا جميع الشروط السابقه اطلعوا من الموضوع




-------


الى متى يا اخوان ويا اخوات هذه الظاهره الغريبه

الى متى ونحنوا نزحف خلفهم لكي نقلدهم وننقل عاداتهم وتقاليدهم الينا؟


هل السبب لاننا ظعفاء نفوس؟


ام اننا اصحاب الثوره الخامده؟



هل السبب لان شبابنا يتميزون بالكرشه والخلفيه؟


هل السبب لان بناتنا يتميزون بالركبه السودا وبطن كله كويات من الامراض؟




طبعآ انا اتكلم عن الاغلبيه وليس العموم




لاكن السبب عندي انا


وبحتفظ فيه لنفسي

والا اقولكم



بقولكم عنه


السبب هو

(التميز واظهار الذات بجميع الصفات)<== عنوان كتابي الجديد




طيب البعض منكم يقول ياكحيلان وشو الموضوع؟



انا بقولكم الموضوع وشو








الموضوع هو :

(ليش المدخن يدخن مع العلم ان فيه منشوره في جمب البكت تدل على انه سبب في السرطان)







طيب



ليه التدخين مضر بالصحه؟



ليه السعوديين يدخنون بشراهه؟



انا ولله الحمد ما ادخن


بس احشش
واتعاطى الهروين
بس
يعني الحمد لله ماخربت وصرت ادخن


بيني وبينكم انا حاط حدود وخطوط حمرا



المدخن السعودي يدخن

لان كل مكان نروح له نلقاه عوايل


واي سوق نروح له يقولون عوايل


حتى بالثمامه يطبون علينا الهيئه ويقولون لاتجلسون هنا


يلعن ام الحاله وين نروح؟




اين نذهب؟


يا الهي
لقد تفرق شملنا




تصدقون مره رحت لدكتور كيف
واخذت اللاب توب معي


يقالي بتصفح النت وبغير جو


شوي والقاء مطوع جمبي

يقاله ذيب
يناظر نظرات غريبه

يستخدم شي حنا نسميه(نظرة الذيب)


يختلس النظر

واخذ جواله وقال
من نمر 5 الى مركز القياده احتاج الى دعم


انا خفت احسبه بيفجر المقهى



بدال ما انحاش


قمت اتشهد

خفت اهرب ويفجر


قلت خلني استفيد من الوقت واتشهد واستغفر ربي



شوي ويطبون هيئه

ويجيني واحد ويقول

هل تناظر الفسق والفجور؟

قلت له لا والله اني بملتقى شروره ادور<=== ع الوزن




طبعآ السالفه كذب

بس تخيلوا انها صدق؟


والله لاروح اعيش في البر ابرك لي



على طاري البر

تدرون مره طلعنا البر يقالنا بنهجول ونستانس

المهم جلسنا نطارد جرابيع

شوي جانا جربوع منبطح ظحك

مكته قلت اشفيك؟


قال انتوا اللي نشبوا لكم العالم ويقولون لكم ان الاماكن كلها عوايل؟



قلت ايه



قال حتى حنى يالجرابيع بس للعوايل

انا هنا ارتفع ضغطي فهمته غلط قمت كسرت راسه





على طاري راسه

لو حطينا قبل رايه حرف الدال(د)

صارت دراسه


على طاري الدراسه

انا كنت ادرس بمعهد نيوهورايزون ودايركت انجليش

تعرفت لي على واحد شامي


عزمني عنده بالبيت

والله يوم شفت الاكل بيني وبينكم نسيت اهلي والرز واللحم والدجاج واللخبطه


صح انها نعمه ي بس الله خلق وفرق



يعني تخيلوا تشوفون مشاوي دجاج
وتشوفون دجاج مفنقص فوق الرز



مع العلم علم ان كلهم دجاج يلعن ام الحاله


بس شوفوا كيف هم استفادوا من عقليتهم

وحنا بس كشن القدر وغسل الرز وحط الدجاج واكبس
بس

هم لا
يبهرون الدجاج
ويقطعونه ويدلعونه حتى بالنار مايحرقونه
تحسون وهم يشونه مايعذبون الدجاجه



جاء خويي كب القهوه التركيه

قامت امه قالت له شو فيك يا ابني
ولك يبعت لك حمى<== من حلاة الدعوه بغيت اقوم واكب القهوه عشان تدعي علي





حنى اذا اخطينا

هاتك ياسب ملعون واللدين


عليك ماعلى الكلاب السود
الله يقطع جنسك من الارض

الله يلعن ابوك<=== يلعن نفسه

الله يمصع عويناتك

جعلك انشاء الله بالمرض المتلاحق






ويالله
على قولت الشاعر القديم حينما قال



سق يامجحد


عشان كذا ياعالم تكفون حركوا مخكم شغلوه



على طاري المخ


يقولكم هذاي شركه امريكيه عارظه 3 مخيخ<== صح الجمع؟المهم انه جمع مخ
عارظتهم للبيع



1- مخ انسان ياباني _بسعر : 3 ريال
2- مخ انسان امريكي_بسعر :1000 ريال
3- مخ انسان خليجي_بسعر :بليار ريال


انا رحت لهاذي الشركه وقابلت المسؤول على شان اعرف السبب وابيع له مخي بمليون بس


المهم قابلته

قلت له وش السبب؟


قال مخ الياباني مستهلك
مخ الامريكي شبه مستهلك
مخ الخليجي ما اشتغل للحين
جديد بقراطيسه



والله استحيت على وجهي وطلعت من عنده





عشان كذا


ياتصلحون من انفسكم يالخليجين
والا ترا بسحب عليكم سيفون
وبروح اخذ لي جواز اسباني واعيش هناك



يالبى الاسبان ياناس



من زود ماهم قينقستا

يطعنون الثيران لين تموت<=== باللهي




طبعآ هذا الجزء الاول باقي جزء ثاني


افلقوا ام مخي اذا سويت جزء ثاني



دايم اكتب موضوع واقولكم فيه جزء ثاني

وانا كذاب





يالله عن اذنكم




وعلى فكره



مافيه تناسق بين عنوان الموضوع والموضوع

وادري انكم ماكتشفتوا هالشي الا اللحين

عشان اثبت حقيقة الشركه الامريكيه
ان مخنا مانفكر فيه




يالله سي يو
Digg this Post!Add Post to del.icio.usBookmark Post in TechnoratiTweet this Post!
رد مع اقتباس
قديم 22 Dec 2010, 07:22 AM   رقم المشاركة : ( 2 )

الصورة الرمزية اوتـــااار
اوتـــااار غير متواجد حالياً
العضوية : 9475
تاريخ التسجيل : Sep 2010
المكان : ابهااا
عدد المشاركات : 10,767
النقاط : اوتـــااار جيد جداً ونحو الإبداعاوتـــااار جيد جداً ونحو الإبداعاوتـــااار جيد جداً ونحو الإبداع
مستوى التقييم : 47
Male/Female علم الدولة

 الأوسمة و الجوائز
آخر تواجد للعضو
 بيانات الاتصال بالعضو
 اخر مواضيع العضو

رد: حينما تعشق الشوكولاته

سي يووو
ههههههه
مافي تناسق حتى بالموضووع موضووع رايح فيها بس بجد مضحك
الا على طاري مضحك رحت مرره وقابلت فلانوضحكت لين اغمى علي ويووم اغمى علي حلمت حلم رهيب حلمت اني متمشكل مع واحد واني لعنت ابوو خيرره تدروون ليه لانه قالي مافي الا عوايل وبعدها طردني
الاعلى طاري الطررد مرره فركت من المدرسه وووو
هههههههه موضووعك كله من طااري في طاري بس يسلمووو بجد ضحكتني وموضوعك فله الله يعطيك العافيه بس لاعد تعيد كلامك عن ركب البنات وبطونهم
توقيع » اوتـــااار


يَ خالق الجنہَ إكفنا نارك ♡♡

التعديل الأخير تم بواسطة اوتـــااار ; 22 Dec 2010 الساعة 07:25 AM
 
Digg this Post!Add Post to del.icio.usBookmark Post in TechnoratiTweet this Post!
رد مع اقتباس
إضافة ردإنشاء موضوع جديد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



Powered by vBulletin® 2011
كل مايطرح بالملتقى لا يعبر عن رأي الإدارة وإنما يعبر عن رأي كاتبه