‏‏من بغى الفرقا لقى له عذر واسباب ودليل . .
خل عنك العذر والاسباب دام الحب ضاع . .
كان ودك بالفراق ابشر عسى عمرك طووويل . .
لاتردد وانت لك كلمه وامرن.. مطاع . .
لي عليك انك تبت بكلمتن تشفي الغليل . .
ولك علي اني لأوقف وقفه الرجل الشجاع . .
لاتجاملني مخافه (قال)مدري خوف (قيل) ..
عمر هرج الناس مايسمن ولايغني جياع
كان قصدك سر حبك اوعدك لأصبح بخيل
واحمل اسرارك معي للموت قدر المستطاع
بس قلها قل ماحبك وابشر بصبرن جميل
لاتحسبني مثل من طبعهم لوي الذراع
صاحبك ماهو كذا ياصاحب القد النحيل
صاحبك طبعه غريب وغربته غربه طباع
فالهوى مايقبل الحل الوسط ولا القليل
مثل ماهو لاشرى يشري وليا من باع بااااااع
ثابت لو هي تميل الارض تحته مايميل
يدري ان الفقر ماهو عيب والدنيا متاع
ماعشق لذة حياته كثر عشق المستحيل
ولاكرة حتى مماته كثر كرة الانصياع
كم تعلم من شديد البدو وش معنى الرحيل
وكم تعلم من غروب الشمس وش معنى الوداع
وكم تعلم من سحاب الصيف وش معنى الحصيل
وكم تعلم من ليال البرد وش معنى الضياع
ايه انا هذا طريقي (موحش ..وصعب.. وطويل..)
وانت لامنك تعبت العالم فجوجه وساع
اعتبرني في بداية سكتك عابر سبيل
ورح وانا قلبي معك من وين وجهت الشراع
‏
‏(؛يكفي اني لاذكرت في سالفه عشاق قيل
عاشر احبابه شجاع ..وفراق احبابه شجاع)؛

منقول

Tweet

Share

خفـآيآ الـروح

‏‏من بغى الفرقا لقى له عذر واسباب ودليل . .
خل عنك العذر والاسباب دام الحب ضاع..

تسلم ايدك اخيارك للقصيدة قمة في الذووووووووووق
تحياتي لك...

احساس شاعر

يعطيك العافيه على الاختيار الرائع

قصيده في قمة الروعه والجمال

رفيع الشان تحياتي لك

الزعبي

الكونتيسا

رفيع الشان

ابيات..يضيع معها الكلام..

ويضيع الفكر..

ويخونني التعبير للرد..

لأنني أكره الفراق بكل ما اوتيت من قوه...

دام لنا قلمك

حااايرهـ

°•.?.•°
عواااااافي رفيع
تسسسسلم يمناك ويخليك ربي
تقبل مروري
°•.?.•°

طفآف

‏(؛يكفي اني لاذكرت في سالفه عشاق قيل
عاشر احبابه شجاع ..وفراق احبابه شجاع)؛

يآآسلام رووووعه

تسلم يمينك .!

BraveHeart

من بغى الفرقا لقى له عذر ..
،
،
أي و الله صدقت ..
،
العنوان لحاله يكفي عن قصيدة


تسلم يمينك لا هنت ..

مجنون ليلى

(؛يكفي اني لاذكرت في سالفه عشاق قيل
عاشر احبابه شجاع ..وفراق احبابه شجاع)؛


تسلم يمينك

كلام جميل رفيع

لك كل الود

رفيع الشان

كل الود والاحترام لمن مر من هنا


يعطيكم العافيه