التعليمـــات قائمة الأعضاء التقويم اجعل كافة الأقسام مقروءة
  رقم المشاركة : ( 1 )  
قديم 19 Aug 2007, 07:17 AM
الصورة الرمزية رحـــال العيـــن
 

 الأوسمة و الجوائز
آخر تواجد للعضو
 بيانات الاتصال بالعضو
 اخر مواضيع العضو
  رحـــال العيـــن غير متواجد حالياً  
الملف الشخصي
رقــم العضويـــة : 789
تـاريخ التسجيـل : Aug 2007
الإقـــــــــامـــــة : شــر م الشيخ
المشاركـــــــات : 150 [+]
عدد الـــنقــــــاط : 10
قوة التـرشيــــح : رحـــال العيـــن صاعد
قالت أحبك يا راشد قلت من قدي .... قصه عجيييبه لا تفوتكم عدد المشاهدات 542 / عدد الردود 9

السلااام عليكم ها شحالكم شخباركم لقيت قصه في منتدى حبيت تقرونها وايد حلووه الجزء الأول : ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,, [FONT="Courier New"][SIZE="4 ريم " بنت حبوبه ، هاديه بطبعها ، طول عمرها ما اشتكت لحد ، حزنها دايم في قلبها .. عندها أخو أصغر منها " نهيان " و أخت أصغر عنها " عنود " وهي اسم على مسمى ، حشره وتجلب البيت عليهم .. ريم توها مخلصة امتحانات الثانوية العامه ويالسة تتريّا النسبة .. عنود : أمايه شوفي ويه بنتج شقايل غادي أسود ، تدري إنها ما سوّت عدل في الامتحان .. أم ريم : عنود ... عنبو هالويه ما تستحين من خج !! بنشوفج السنه اليايه يوم بتمتحنين ما دري عاد شو بتيبين !! أظني إلا في الركب .. عنود : ما يطيع زينج ، وبتشوفين باجر . ريم : أووووه .. حشرتوني بس عاد .... أمايه شو أسوي الموقع ما طاع يفتح ...؟؟ أم ريم : عيل برايكن بروح أسوّي تيلفون لعذيجه بخلّيها ترمس ولدها عشان يطلعون لنا النسبه .. ريم : لا أمايه لا تفظحينا عند راشد وأمه .... صبري شوي وبيفتح الموقع .. أم ريم : لا بروح أرمّسها عيل شو فايدتهم .!! نشت أم ريم وسارت الصاله .. وسوّت تيلفون لأم راشد .. أم راشد : ألوووو أم ريم : مرحباااا الغاليه ... شحالج ؟ أم راشد : بخير ربي يعافيج ... شحالج إنتي وشحال الريم وخوانها ؟ أم الريم : بخير الحمد لله ماحد يشكي باس .. أم راشد : يا مرحبا الساع .. أم الريم : بغيت أتخبرج .. راشد وين عنج ؟ أم راشد : راشد في حجرته .. رب ما شر !! أم الريم : لا ما شر إن شاء الله ... بغيته جان يعرف حدّ يطلع نسبة الريم ... أم راشد : ما عليه .. بسير أزقر لج إياه ... " راشد ولد عمّ ريم وهو أكبر عنها بثمان سنين ، وعنده أختين وحده أكبر عن مريم بسنه " عوشه " وحده كبر عنود " آمنه " " راحت أم راشد صوب حجرة راشد ... أم راشد : راشد .... راشد : لبيه الغاليه ... أم راشد : يعني أفداك .. حرمة عمك تباك في التيلفون .. راشد : رب ما شرّ . أم راشد : لا ما شر .. تباك تظهّر نسبة الريم ... نش راشد وسار فيا أمه الصالة .. راشد : مرحباااااا عمتيّه .. أم الريم : مرحبا الساع الغالي شحالك ؟ راشد : بخير ربي يعافيج ... عمتيه تعرفين رقم جلوسها ؟ أم الريم : لا والله الغالي .. صبر بزقر لك مريم ... " في الواقع ريم ما قد شافت راشد غير من زمان يوم كانت صغيرة ، وبالمثل راشد ، لأن راشد سافر من بعد الثانوية ودرس في أمريكا " أم الريم : ريــــــــــــــــــ ـــموه تعالي ... الريم : خير أمايه !! أم الريم : اندوج السماعه ، عطي راشد رقمج .. الريم : شووووووووه ! أنا .... لا ما يخصني إنتي عطيه .... أنا ما برمسه .... أم الريم : شوي شوي كلتينا ، هذا إلا ولد عمّج ..!! الريم : ولد عمي ولاّ ولد يدي .. ما يخصني راشد سمع رمست الريم وتغيّض عليها ... ردت أم الريم على راشد وعطته الرقم ... .............. عقب ربع ساعه .............. الريم : شفتي عاد ولد عمّي ما سوّى شي ... عنود : عنبوه واحي للريال بعدها ماخطفت ربع ساعة !! الريم : عنود سدّي ثمج .. تراني ما روم استحملج أكثر ... أم الريم : شبلاج .... خج ما قالت شي .... رن التيلفون ، وفزّت الريم من محلها وربعت وشلّت التيلفون ... الريم : ألوووووووووووووو ! راشد : مرحباااااااااااااااا ااااااااااا ، شحاج ؟ الريم : بخير ، طلّعت النتيجة !!! راشد : هيه ... لكن ما بعطيج إياها ... الريم : نـــــــعم !!!!! شو يعني ما بعطيج إياها !! راشد : يعني ما بعطيج ... ليش مساعة سوّيتي سالفه لعمتيه ..!! تتحريني بغازلج !! شو قلّن البنات !!! الريم وهي ميته من الغيظ : إنت ما حد قالك إنك غلس ... وقليل أدب وحمار .. و ... راشد : لا والله .... عيل ماشي نسبة ... الريم : صدق إنك خايس ... فرّت ريم السماعة وظهرت من الصالة وهي تصيح من الغيظ .. نشّت أم الريم وشلّت السماعة .. أم الريم : ها الغالي بلاها الريم تصيح .. راشد : ما بلاها شي بس يمكن فرحان بنسبتها !! أم الريم : كم يابت ؟ راشد : 94.7 أم الريم : عنبوه مارامت تكمّل السبعه !! حصلت عنهن .. راشد : لا تقولين جذيه نسبتها وايد حلوه .. ومبروك إنشاء الله ... أم الريم : الله يبارك لك ... ظنك زينه نسبتها !! راشد : نعم إنها زينه .. أم راشد : سمحلنا الغالي وترى باجر عشاكم عندنا خبّر أمك وبوك .. بنسوّي عزيمه على نجاح الريم ... راشد : إنشاء الله .. تامرين على شي !! أم الريم : لا الغالي سلامتك . الله يحفظك . نشّت العنود وراحت صوب حجرة الريم ... وخبرتها بالنسبة .. لكن الريم ما فرحت بها وايد . لأنها متغيظه على راشد .... في اليوم الثاني العصر كانن البنات وأمهن وحرمات اليران متجمعات يجهزن للعشى ... في هذا اليوم إلتمت العايلة كلها في بيت الريم .. الساعة 7 وصلوا راشد وهله ... الريم كانت في المطبخ فيا البشاكير ... وعنود وأمها في الصالة ... حدر بو راشد وراشد وأمه وخواته سلّموا على العنود وأمها ... عوشه : عمّووووه . وين الريم عيل ؟؟؟ أم الريم : والله ما دريبها .. يمكن في المطبخ ..! نشوا الرياييل وساروا الميلس ... صاح تيلفون راشد وظهر عنهم في الحوش ... راشد : هلا ... خلّوووووووود شحالك ؟ خالد : بخير ... وين دارك ؟ راشد : والله إلا في الدار .. عندنا عزيمه في بيت عمّي وأنا عندهم . خالد : عيل الشباب يتريّونك في المووول . راشد : لا استسمح لي منهم ، أنـــ ....... في هذي اللحظه طلعت الريم من المطبخ وعقت غشوتها ، وشافها راشد ، بس هي ما انتبهت له لأنها طالعه مدوّخه من الصهوار ... لكنها كانت قمّه في الروعة لو إن خدودها كانت حمر من حرارة المطبخ ... راشد انصدم من حلاة بنت عمّه .. يلس يطالعها لين حدرت البيت ... خالد : حــــــــــــــــووو ووووووه راشد : هاه ... شو .... شو تقول ... !! خالد : لا ... أكرم إنك صاحي ... راشد : شو !! ..... شوبلاك تتحرطم ؟؟؟ خالد : لا سلامتك ... برايك رصيدي خلّصته ... عاد طرّش لي بطاقة .. راشد وهو ميّت من الظحك : فالك طيّب ... خالد : فداعت الرحمن .. سكّر راشد التيلفون .. لكنه ما رام يحدر الميلس تمّ واقف محلّه .. أما الريم فحدرت اتسبحت .. وسارت الصالة تسلم على عمتها وبنات عمها .. أم راشد : هلا بالغاليه ... مبروك النجاح إنشاء الله ... الريم : الله يبارك في روحج إنشاء الله . أم الريم : وينج إنتي عمّج يتخبر عنج ... الريم : يعلني أفداه وينه ألحين ...؟؟ أم الريم : في الميلس ... سيري وسلّمي عليه .. الريم : حدّ عنده غريب ؟؟! أم الريم : لا ماحد غريب إلا عمومج وخوالج ... نشّت الريم وظهرت وكان راشد يحوط عند باب الميلس ، وشافه يوم طلعت من الباب ... لكنها ما شافت غير بعدين انتبهت إن حد واقف برى ، فاتغشّت وسارت صوب الميلس ، ارتبك راشد وما عرف شو يسوّي بس سوّى عمره يرمس في التيلفون ... يوم وصلت حذاه ... راشد : الريم !!!! شحالج ؟ الريم : بخير الحمد لله .... ! راشد : مبروك النجاح الريم ما كانت تعرف إن هذا هو راشد الريم : الله يبارك في روحك .. راشد : عرفتيني !! ولا ..! الريم : لا والله .. راشد : أنا الحمار والغلس .... وقليل الأدب ... افتشلت الريم من رمسة راشد الريم : اسمحلي بسلم على عمّي ... راشد : تحريتج بتقولين اسمحلي على الرمسه ومشكور على إنك طلعت لي النسبة !!! الريم ارتبكت وما عرفت شو تسوّي ، خطفت عنه وحدرت الميلس ... سلمت على هلها ، ويلست تتريا راشد يدخل لكنه ما دخل ... طلعت من الميلس وما كان واقف محله ، فيلست تتلفت وادّوره وحركتها هذي كانت لا إراديه ... راشد كان عند باب المطبخ وشافها وهي تدوّره وتمّ يظحك ... عقب ما راحوا العرب عنهم ... حدرت الريم حجرتها وكانت تعبانه ، لكن كان فيها شي ما خلّها ترتاح ... كانت هذي الليله أطول ليله مرّت في حياتها ... كانت ترمس روحها في الحجره ، وتتخيّل أشياء مش موجوده ، كانت فرحانه ، بس ما كانت فاهمه السبب .. هل هو نجاحها بتفوّق ولاّ هو ..... ، ... و راشد كان بالمثل يظحك بروحه في الحجرة ، ما قدر يرقد كان حس بشي غريب ما قدر يفسّره بسهوله ... ...... عقب ثلاث أيام ، كانت يدّت الريم من أبوها مسوّيه عزيمه في العزبة وعازمه عيالها وعيال عيالها ... شو ظنكم بيصير ؟؟؟! ظنكم ... الريم وراشد بيتلاقون ....؟؟؟؟ شو بيصير في عزبة اليدّه .!!! م ن ق و ل
Digg this Post!Add Post to del.icio.usBookmark Post in TechnoratiTweet this Post!
رد مع اقتباس
قديم 22 Aug 2007, 05:49 AM   رقم المشاركة : ( 2 )

الصورة الرمزية يـازين سامحني
يـازين سامحني غير متواجد حالياً
العضوية : 689
تاريخ التسجيل : Jun 2007
عدد المشاركات : 2,226
النقاط : يـازين سامحني جديديـازين سامحني جديد
مستوى التقييم : 22

 الأوسمة و الجوائز
آخر تواجد للعضو
 بيانات الاتصال بالعضو
 اخر مواضيع العضو

السلام عليكم

مشكور اخي رحال العين

وتقبل مروري
 
Digg this Post!Add Post to del.icio.usBookmark Post in TechnoratiTweet this Post!
رد مع اقتباس
قديم 22 Aug 2007, 05:57 AM   رقم المشاركة : ( 3 )

الصورة الرمزية زهور
زهور غير متواجد حالياً
العضوية : 140
تاريخ التسجيل : Nov 2006
عدد المشاركات : 136
النقاط : زهور صاعد
مستوى التقييم : 15

 الأوسمة و الجوائز
آخر تواجد للعضو
 بيانات الاتصال بالعضو
 اخر مواضيع العضو

كمل

أنا وحده أمووووووووووت بالروياات
 
Digg this Post!Add Post to del.icio.usBookmark Post in TechnoratiTweet this Post!
رد مع اقتباس
قديم 22 Aug 2007, 04:46 PM   رقم المشاركة : ( 4 )

الصورة الرمزية النايف
النايف غير متواجد حالياً
http://www.sharurah.com/vb/blogs/%C7%E1%E4%C7%ED%DD/ ~
العضوية : 192
تاريخ التسجيل : Nov 2006
المكان : رجـــم النــآيـف
عدد المشاركات : 5,657
النقاط : النايف متألق وكبيرالنايف متألق وكبيرالنايف متألق وكبيرالنايف متألق وكبيرالنايف متألق وكبيرالنايف متألق وكبير
مستوى التقييم : 38

 الأوسمة و الجوائز
آخر تواجد للعضو
 بيانات الاتصال بالعضو
 اخر مواضيع العضو

رحـــال العيـــن...

تســلــم يالغالــي علــى القصــة ...
ونحــن بــأنتظــار ماصــار في عزبــة الجــدهـ...
تحيــاتــي ...

النـــ ـــ ـــايف
توقيع » النايف
 
Digg this Post!Add Post to del.icio.usBookmark Post in TechnoratiTweet this Post!
رد مع اقتباس
قديم 27 Aug 2007, 03:27 AM   رقم المشاركة : ( 5 )

الصورة الرمزية القلم الناطق
القلم الناطق غير متواجد حالياً
العضوية : 96
تاريخ التسجيل : Nov 2006
المكان : المملكه العربية السعودية
عدد المشاركات : 213
النقاط : القلم الناطق صاعد
مستوى التقييم : 15

 الأوسمة و الجوائز
آخر تواجد للعضو
 بيانات الاتصال بالعضو
 اخر مواضيع العضو

رحـــال العيـــن...

تســلــم يالغالــي علــى القصــة ...
 
Digg this Post!Add Post to del.icio.usBookmark Post in TechnoratiTweet this Post!
رد مع اقتباس
قديم 30 Aug 2007, 12:29 AM   رقم المشاركة : ( 6 )

الصورة الرمزية رحـــال العيـــن
رحـــال العيـــن غير متواجد حالياً
العضوية : 789
تاريخ التسجيل : Aug 2007
المكان : شــر م الشيخ
عدد المشاركات : 150
النقاط : رحـــال العيـــن صاعد
مستوى التقييم : 14

 الأوسمة و الجوائز
آخر تواجد للعضو
 بيانات الاتصال بالعضو
 اخر مواضيع العضو

مشــكــورين على المرور والله
 
Digg this Post!Add Post to del.icio.usBookmark Post in TechnoratiTweet this Post!
رد مع اقتباس
قديم 30 Aug 2007, 12:32 AM   رقم المشاركة : ( 7 )

الصورة الرمزية رحـــال العيـــن
رحـــال العيـــن غير متواجد حالياً
العضوية : 789
تاريخ التسجيل : Aug 2007
المكان : شــر م الشيخ
عدد المشاركات : 150
النقاط : رحـــال العيـــن صاعد
مستوى التقييم : 14

 الأوسمة و الجوائز
آخر تواجد للعضو
 بيانات الاتصال بالعضو
 اخر مواضيع العضو

تكمله القصه

الجزء الثاني : -.................... .................... .......... .................... .................... .......... ....................
في يوم العزيمة الظهر ، كانت الريم ترمّس عوشه بنت عمها ...
عوشه : ريمووووووه ، ظنج خلود بتي العزيمه ولا لا !!!
الريم : والله ما أدري بها ...ليش ؟
عوشه : يعني ما تدرين إني ما أدانيها .!
الريم : والله ما أدري بج حليلها ترها بعد بنت عمنا .. لا تنسين ...
عوشه : لا ما نسيت ... لكنّج بتعرفينها أكثر يوم بتتكلمين فياها .. أنا كنت ربيعتها وكانت عندي غاليه لكنّي عرفت إنها ما تستاهل الغلا .
الريم : حرام عليج عوّوش ... يمكن إنتي ما عرفتيها عدل !!
عوشه : ما عليه كل شي بيبيّن عقب شوي يوم بنتلاقى فياها في العزبه .
الريم : إنزين خلّيها عنج ... يدّوه سارت العزبه ولا إنتم بتودّونها ؟؟ ومنو بيطبخ عنها !!
عوشه : منو يعني بيطبخ غيرنا ... أنا وإنتي دوم الظحيّه لكن ما عليه حرام لخلّي يدوه أزيد ما تعزم حد .. والله لخلّيها تقطع التبوله ...
الريم وهي ميته من الظحك : حرااااااام يدوتي ما تهون عليّه .
عوشه : ماعليه .. براج فديتج بويه بيروح وأنا بروح فياه ...
الريم : ويدّوووووووووووووووو وه !!
عوشه : لا تخافين عليها العيوز ... عزّرت على راشد يوديها ... حتى حليله ما تغدّى ....
الريم : راشد !!!!
عوشه : هيه راشد وداها .. باي بويه يزقر عليّه ..
الريم : فداعت الله .
سكرت ريم التيلفون لكنها يلست أكثر من ربع ساعة حاطة إيدها على التيلفون وتفكر ... أول ما رفعت يدها عن التيلفون .. رنّ ...
الريم : ألووووووووووو
.......... : .............. .
الريم : ألو ... منو ؟
.......... : .............. .
سكرت ريم التيلفون ونشت بتظهر من الصاله ورنّ التيلفون مرّه ثانيه ..
الريم : ...........
راشد : ألوووووووووو ..
الريم وهي مرتبكة عقب ما سمعة صوت راشد : هلا .
راشد : مرحبااااااااااا ا
الريم : مرحبتين .. منو؟
راشد وهو يظحك بصوت عالي : الغلس .. ماعرفتيه !! هذاك الحمار ...
الريم وهي متغيظه : خير !!
راشد : لا تتحرّين إني مسوّي لج .. أنا مسوّي لعمتيه ..
الريم : أمايه في المطبخ ... شو تبى منها ؟
راشد : يدّوه تبغي ترمّسها ..
الريم : عطني إياها أنا برمّسها ..
راشد : لا السموحه منج ، هي تبى عمّتيه ما تباج ...
يدّة راشد سمعت رمست راشد ..
العيوز : منو عندك ؟؟؟
راشد : هذي الريم وعمّتيه في المطبخ ..
العيوز : عطني الريم برمسها ..
راشد : لا يدّوه ما تباج ..
العيوز : لا بسم الله عليها بنتي ربي راضي عليها ما تغث حدّ ..
راشد : عيل يرضيج يا يدّتيه إنها تقولي غلس ..
العيوز : هاه .. شو تقول لك ؟؟!!!
راشد : غلس !
العيوز : إنزين عطها الفلس ... ما طلبت مليون !!
راشد : سمعي رمست يدّج ، بتعطيج فلس ...
الريم : الظاهر إنك مسوّي عشان تسولف ... وأنا مش فاظيه لـ ...
راشد : ل شو ؟ لواحد غلس مثلي صح ...
الريم : برايك ...
وسكرت ريم التيلفون في ويهه ، راشد مات من الغيظ في هذي اللحظه ...
تيمّعوا الأهل كلهم في عزبة العيوز ويلسوا الرياييل في الحضيره والحريم يطبخن في الهور ..
راحن البنات وتيمّعن فوق العرقوب ويشوفن طرف من الحضيره وكان راشد يالس عل هذاك الطرف ...
خلود : عااشوه !!!
عوشه : نعم ..
خلود : هذاك إلي قاعد على الزايه المجابله ... تشوفينه !!
عوشه : هيه .. ليش شو بلاه ؟
خلود : لا ما بلاه شي بس .. ما عرفته منو ؟
عنود : شقايل ما عرفتيه .. هذا راشد ولد عمّي ..!
خلود وهي منبهره : والله !!!!!!!!!!!!
عوشه : ليش مب مالي عينج ؟
خلود : لا ، لكن كنت أتحراه غير ...
عوشه : شقايل يعني غير ؟!
خلود : ما أدري بس ما توقعته يكون جذيه ..
عوشه : ليش مش مالي عينج ...؟
خلود : والله ما لنّها وزياده ، هذا بعد ولد عمّي ولا يهون عليّه ..
الريم كانت ميّته من الغيظ ، ما كانت تريدها ترمس عنّه
خلود : عويش ما قلتيلي .. كم عمره ؟
عوشه وهي تظحك : ليش بتخطبين له ؟!!!
عنود : عاشوه قويّه ...
خلود : عويش أنا أكلمج جدّ ...
الريم : سمحلّي بروح عند الجدور ...
خلود : برايج نحن بنيلس نسولف ...
عوشه شافت الغيظ إلي في ويه الريم .... لفّت الريم من ورى الحضيره وسارت صوب الجدور ، شافها راشد ، ونشّ وسار وراها ...
راشد : قطوة المطابخ ما تصبر عن الصهوار ...
الريم : بسم الله زيغتنيه ... شو تبى ؟؟
راشد : سلامج ... ياي أشوف العشى ...
الريم : بعده وقت لين يخلّص تونّا حاطينه على الظوّ ..
راشد : عيل برد الحضيره ...
الريم كانت متغيظه من خلود وفجت غيظها فيه ...
الريم : هيه .. ردّ محلّك يلس مجابل البنات .. خلهن يشوفنك ...
راشد وهو حابس الظحكه : ليش ؟؟؟ في حدّ كان يطالعني ...
الريم : لا تخاف أنا ما طالعتك ولا أفكّر في يوم أطالع واحد ممثلك ، رد محلك ...
راشد : أكيد ما تبين اطالعين واحد غلس ...
الريم : يووووووووووووووووووو ه ... تراك لوعت جبدي ، ما تسوى علينا هالكلمه لي قلناها ...
راشد : شوي شوي ... أنا بروح شكلهن البنات يايّات صوبج ..
وسار راشد وهي اطالعه وفي دربه لاقى البنات ... خلود ما تغشّت من راشد وهذا إلي زاد الريم غيظ وقهر تمنّت إنها تذبحها ...
خلود : راشد .... شحالك ؟؟؟
راشد : الحمد لله بخير ... شحالج إنتي ؟
خلود : بخير ربي يسلّمك ... عنبوه وين دارك ما تينا ... ؟
راشد : والله إلا في الدار ، وإنشاء الله بنيكم ...
خلود : ترى وعد الحرّ دين وانا أترياك ...
كانت ريم بتنفجر من الغيظ ... مشت وسارت بعيد عنهن ... ومشت روحها بعيد عن العزبه وعن البنات ... وبعد بعيد عن راشد ....
يلست تفكر هيه ليش تغيظت على البنات ؟؟ من الطبيعي إن البنات إذا تلاقن عادي يرمسن عن واحد من هلهن خصّ عاد إذا كان مثل راشد ، إنسان مثقّف وفنان ..
بعد ما عيزت من التفكير نشّت وكمّلت دربها ، كانت تمشي وهي ما تعرف وين هي سايره ...
أما في العزبه كان راشد يدورها بين البنات وبين الحريم وعقب ما تعب راح صوب عوشه ..
راشد : العاش ...
عوشه : لبيه ..
راشد : تعالي ...
خلود : خير راشد شي تبى .!!
راشد : لا ، أبغي عوشه شوي ..
عوشه : نعم راشد خير ..؟؟
راشد : وين الريم عنكن ؟
عوشه وهي مستغربه ...: وإنت شدراك إنها هب فيانا ؟!
راشد : عوشه فكّيني من الأسأله وينها .؟
عوشه : والله ما أدلاريبها ... غدفت العرقوب وسارت تحوط روحها ...
راشد : لقنّها طالعنّها وين ، يمكن صار عليها شي وهي سايره روحها والبقعه ظلّمت ، وأمها ادّورها ... إذا ما حصلتنّها ورى العرقوب بروح أدورها بالسيارة ...
راحت عوشه صوب البنات وقالت لهن ... وراحن رباعه صوب العرقوب وما حصّلنّها وراه ، ردّن وقالت عوشه لراشد .. راح راشد وركب السيّارة ويلس يدوّرها .. احتشرن الحرمات يوم درن إنها ماحدّ في العزبه ..
العيوز : لا بنتي شي استوابها ... جان ماحدّ صرقها .
أم راشد : عنبوه يا عمّتيه ... استهدي بالله ..
أم الريم : وين يعني بتسير !!... يمكن إنها ظلّت الدرب يوم أظلم عليها الوقت .!!
وعقب شوي لأن راشد ياي ..
العيوز : ها الغالي وينها الريم ؟؟؟
راشد وهو ميت من الهم والغيظ : ما أدريبها ما حصّلتها ...
أم الريم : ياويلي بنتي وين سارت .؟؟؟
وعقب 30 ثانيه ...
راشد : حدّ شافها عند الجدور ..؟؟؟
عنود : هيه صدقك ريموووه ما تروح بعيد عن الجدور ...

وراحوا صوب الجدور ولأنها يالسه ...
العيوز : عنبوه يا بنتي جنّا جلبنا الدنيا ندوّرج ...
الريم : ليش يدوه ... خير ...
راشد : خير في ويهج ... وين سرتي ، ما خلّيت مكان وأنا أدوّرج .. صدق إنج ياهل ... شله يالسه روحج ؟
زاغت الريم من طريقة راشد في الكلام وهي ما كانت فاهمه السالفه ...
ربعت عوشه صوبها وسحبتها بعيد عنهم ..
عوشه : ريماني وين سرتي كلهم يلسوا يدوّرونج ...
الريم : سرت أتمشّى وعقبها ردّيت ويلست هنيه ...
عوشه : كان راشد زايغ عليج وهو إلي قالنا إنج مب في العزبه ..
يلست الريم تفكر في كلام العاش ، ... معقوله يكون صدق يفكّر فيها مثل ما هي تفكر فيه ...
عقب ما تعشّوا ويلسوا يسولفون نشوا العرب وساروا وتمّت العيوز والريم وعوشه وراشد .. يغسّلون الجدور ويحمّلونهن ...
كان الريم شالّه كيس فيه كوبات الماي وحطّتهن في دبّة السيارة وكان راشد واقف حذاها ، ما كانت تبى تشوفه لأنها من تشوفه تنسى وين هي ولا شو هي تسوّي ...
راشد : سمحيلي ..
الريم : هاه ...
راشد : سمحيلي ...
الريم : على شوه !!
راشد : يمكن غلطّت عليج يوم قبل العشى ..
الريم : لا ما عليك ، أدري كنتم خايفين عليّه ، أنا الغلطانه ..
راشد : بس .. مــ ...
سارت عنه من غير ما تخلّيه يكمّل رمسته ...
ركبو كلّهم في السيارة وكانت الريم راكبه وراه ...
يلس راشد يدوّر في الأشرطه ..
العيوز : رشّووود شو ادوّر؟
راشد : أدور شريط ...
العيوز : حط لنا ميحديوم يقول الدار ..
راشد : يدّووه ... شو بلاها الدار !!
العيوز : ما أدريبه شو يقول ..
راشد : ما أعرفها يدوه لكنّي بشغل لج خالد محمد ..
العيوز : ما أعرفه ... شغل الماجد جان عندك ...
راشد وهو ميّت من الظحك : من وين تعرفينه ؟؟؟
العيوز : البشكاره دومها حاطتنّه ...
راشد : يدّوه سمعي اهداء حقّج ...
وكان راشد يطالع في المنظره ، رفعت الريم عيونها في المنظره وشافته وكانت هاذي أول مرّه يحط عينه في عينها ...
بنّد راشد الليت وشغّل المسجّل ..
" صعب المزاج وصعب لوصوف ، قربك وبعدك متعبني ، أهواك وأداريك بالروف ، وأدراك من النسمه ومنّي ، ... "
ردّت الريم البيت وهي تفكّر بعيون راشد ، وبكلمات الأغنيه إلي كانت لها ، وراشد ما كان حاله أحسن منها ، كان مثلها يفكّر فيها بشكل فظيع ...
الشي الوحيد إلي ما قدرت ريم تفهمه أو بالأحرى تعترف به هو شعورها تجاه راشد ...
بالباجر ... اتصلت عوشه لريم ..
عوشه : السلام عليج عنّوووده ، شحالج ؟
عنود : بخير ، شحالج ؟
عوشه : الحمد لله .. وين ريماني عنج ؟
عنود : في حجرتها ، لكن بقول لج شي ... بس لا تخبرينها ...
عوشه وهي تظحك : قولي ما بخبرها ...
عنود : ختيه صارت مينونه ...
عوشه : شو !!!!!
عنود : ما أدري بس هذا إلي أنا أحس به ، ألحين بزقرها ..
عوشه : ما فهمت شو يعني مينونه ... وليش عنود تقول عنها مينونه ....
الريم : هلا عاشووه .
عوشه : مرحبا ... شحالج ؟
الريم : الحمد لله .... علومج ..
عوشه : والله تعبانه نفسيّاً ...
الريم : ليش ؟؟؟؟ شو بلاج ؟
عوشه : تدرين اليوم منو بيينا ...!!
الريم : منو ؟
عوشه : خلود العنز ... ما أدري شو بييّبها عندنا ... !!
الريم وهي متغيّظه : عيني شو بيّيبها .. سود عيونج ..!! .. لا والله كله على شان راشد ...
عوشه : أظنّي أن السالفه جذيه ...
الريم : إنزين والحل !!
عوشه : حلّ شو ؟؟؟
الريم قالت ومن غير تفكير : ما أباها تشوفه ...
عوشه وهي تظحك : ليــــــــــــش ؟!!؟؟
الريم عقب ما استوعبت السالفه : هاه .... لا .... ما شي ... بس .
عوشه : بس شوووو !!
الريم : ماشي ...
عوشه : ما عليه برايج أنا بتصرّف ..
الريم : شو بتسويين ؟؟؟
عوشه : ما عليج ... بتشوفين .. بطفربها ، بخلّيها أزيد ما تحدر بيتنا ...
الريم : إنزين شو بتسوّين ؟!!
عوشه : بتسمين به إلي بسوّيه ...
!
!
!
ترقبو الجاي
 
Digg this Post!Add Post to del.icio.usBookmark Post in TechnoratiTweet this Post!
رد مع اقتباس
قديم 30 Aug 2007, 01:30 AM   رقم المشاركة : ( 8 )
منسق ومسؤول الاعلام

بتال غير متواجد حالياً
العضوية : 247
تاريخ التسجيل : Nov 2006
المكان : الرياض
عدد المشاركات : 3,530
النقاط : بتال جديدبتال جديد
مستوى التقييم : 27

 الأوسمة و الجوائز
آخر تواجد للعضو
 بيانات الاتصال بالعضو
 اخر مواضيع العضو

مشكور

اخي رحال العين

وتقبل مروري
توقيع » بتال






,
,
 
Digg this Post!Add Post to del.icio.usBookmark Post in TechnoratiTweet this Post!
رد مع اقتباس
قديم 30 Aug 2007, 07:23 AM   رقم المشاركة : ( 9 )

الصورة الرمزية رحـــال العيـــن
رحـــال العيـــن غير متواجد حالياً
العضوية : 789
تاريخ التسجيل : Aug 2007
المكان : شــر م الشيخ
عدد المشاركات : 150
النقاط : رحـــال العيـــن صاعد
مستوى التقييم : 14

 الأوسمة و الجوائز
آخر تواجد للعضو
 بيانات الاتصال بالعضو
 اخر مواضيع العضو

مشــكــور اخـــوي على المرور والله
 
Digg this Post!Add Post to del.icio.usBookmark Post in TechnoratiTweet this Post!
رد مع اقتباس
قديم 21 May 2008, 06:08 PM   رقم المشاركة : ( 10 )

الصورة الرمزية اتعبتني بغلاك
اتعبتني بغلاك غير متواجد حالياً
العضوية : 1311
تاريخ التسجيل : Jan 2008
المكان : الرياض
عدد المشاركات : 2,005
النقاط : اتعبتني بغلاك جديداتعبتني بغلاك جديد
مستوى التقييم : 20

 الأوسمة و الجوائز
آخر تواجد للعضو
 بيانات الاتصال بالعضو
 اخر مواضيع العضو

الف شكر لك
ا
ا
ا
ا
على القصة
ا
ا
ا
ا
وتحياتي لك
 
Digg this Post!Add Post to del.icio.usBookmark Post in TechnoratiTweet this Post!
رد مع اقتباس
إضافة ردإنشاء موضوع جديد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
حلى الببسية لا تفوتكم تجنن جنان جوري ملتقى حـواء 16 26 Nov 2008 01:44 AM
جايبه لكم صور وسائط MMS رووووعه لا تفوتكم:: دلوعةالصاعر ملتقى الكمبيوتر والبرامج والإتصالات 8 14 Jul 2008 06:31 AM
أحبك ............. فوق ما تتصورين صوت المطر ملتقى الأدب والشعر والروايات 4 21 May 2008 07:10 PM
كلمة أحبك بـ 28 لغة.. @ القـ20ـناص @ ملتقى الحوار العام 6 15 Feb 2008 01:29 PM
امتحاناااات سنة 2900 ... لا تفوتكم ابن باقى ملتقى التعليم 8 27 Nov 2007 01:55 PM


Powered by vBulletin® 2011
كل مايطرح بالملتقى لا يعبر عن رأي الإدارة وإنما يعبر عن رأي كاتبه