ملتقى شرورة

ملتقى شرورة (http://www.sharurah.com/vb/index.php)
-   ملتقى الأدب والشعر والروايات (http://www.sharurah.com/vb/forumdisplay.php?f=18)
-   -   Ooوصيه حبيب Oo ...... (http://www.sharurah.com/vb/showthread.php?t=2240)

شيخه زماني 01 Jul 2007 10:48 PM

Ooوصيه حبيب Oo ......
 
--------------------------------------------------------------------------------

قصة كتابة هذا الشعر أنه في واحد اسمه خالد جاه مرض
و قالوله انه بيموت...جا كتب الشعر لصديقه يطلب منه أنه
يحب حبيبته ولازم يخليها تنساه ....



وصاتي لك من بعدي.. تموت فيها علشاني

ابيها تعيش و تحيا بك.. واظل بالذاكره مفقود

وصاتي لك تنسيها.. ملامح وجهي و تنساني

وتعزفها قصيدة حب.. على عكس اللي عزفته بعود

وصاتي لك تبعدها.. عن اشعاري وقيفاني

تراها مغرمة بالحيل.. ويشهد لي عدد الردود

وصاتي لك تسايرها.. ترى فيها من احزاني

طلبتك لايضيق بالك.. طلبتك والطلب مردود

وصاتي لك تناديها.. حياتي..عمري..ازماني

انا عودتها دايم.. ادلعها وانا موجود

وصاتي لك تعاملها.. بطيبه قلب و احساني

تراها تذرف الدمعه.. ودمعتها بليٌا حدود

وصاتي لك تحفظها.. سور وآيات قرآني

وتخبرها عن الميت.. رحل لايمكنه بيعود

وصاتي لك ترسمها.. على قبري وأكفاني

ابيها لوحة تبقى.. على طول الزمن محدود

وصاتي لك تمازحها.. وتشوف الضحكة بأسناني

سعيتك ياضحك هالكون.. طلبتك لاتصير جلمود

وصاتي لك تقهويها.. من دلالي و فنجالي

تراها تعشق السمرا.. ويكفيها دخون العود

وصاتي لك تركبها.. على خيلي و على حصاني

وربي فارسة من قلب.. شهادة ماهي لشهود

وصاتي لك تسفرها.. بلاد الشام و لبناني

ترى يحلالها تقطف ورده.. وردة من بلد الورود

وصاتي لك تراقصها.. على الحان رحباني

ترى فيها عرق خالة.. وفيها من جنون السود

وصاتي لك تحببها.. فأبونورة بعد هاني

وتنسيها ندم غلطة.. انا فيها ترى المقصود

وصاتي لك تكرهها.. في تاريخي و عنواني

أبيها تلعن اللحظة.. وتلعن كل فرح موعود

وصاتي لك تكلمها.. عن المجني وعن الجاني

وتخليني انا الظالم.. وانا من حرق الاخدود

وصاتي لك تشبهني.. بدم أحمر قاني

وانا هالقاتل السفاح.. مجرم من عصر نمرود

وصاتي لك تحلفها.. تتوب تحبني ثاني

ترى يكفيها ماعانت.. ويكفي حيلها مهدود

وصاتي لك تنسيها.. وصية قالها لساني

أنا اخبرك رجل موقف.. وانت قدها وقدود

صديقي مالقيت غيرك.. يعرف وشلون تنساني

أمانه ضمها بقلبك.. ترى خالد....رحل مايعود



تحياااااااتي

النايف 01 Jul 2007 10:52 PM

شيخه زماني.....


ألـــف شكـــر يالغاليــة علــى هــذه القصــة والقصيـــدة ...


وسلمـــت أنـــاملــك علـــى نقلـــها لنـــا ....




النــــــ ــــــ ـــــايف

المجازف 01 Jul 2007 10:55 PM

اللـه يعطيك العاااااااافيـــــــه شيخـــــــه ع هذهٍ القصيدهـ وصـح لسـآن قـآيـلهـآ (ونـآقلهـآ)
تقبلي مروري

صالح الكربي (أبومرشد) 02 Jul 2007 08:01 AM

شيخــــــــــــة زمــــــــــــــــــآنـــــــــي







حييت يا من جيت من دار زايد ****** يا مرحبا واهلين والله يحييـــــــــك

بقدومكم هلت علينا السعايد ***** ما باقي الا اني بصوتي اناديــــــــك

شيخة زمان وفيك نكتب قصايد***** ومهما كتبنا ماقدرنا نوفيــــــــــــــك

ياخشف ريم لبسوه القلايـــــد***** اشفق على شوفك وذكرك وطاريك



(لأ صحاب الذوق الرفيع فقـــــــــــــــــــط)
هذة الا بيات اهداء الى شيـــخـــة زمــــــاني معطرة بالعود والياسمين ارجو ان تنال اعجابك والسموحه على القصور






(أبـــــــــــــــــــــــــــــو مرشــــــــــــــــــــــــــــــــــــــــد)

بكل هدوء 02 Jul 2007 04:05 PM

شيخه زماني.....


ألـــف شكـــر يالغاليــة

شيخه زماني 02 Jul 2007 10:07 PM

النايف


المجازف


وبكل هدوء


تسلمووووووووووووووون ع المرور





ابوصالح



مشكور والله ع القصيده الرائعه


ولو كنت شاعره لرديت عليك بقصيده تليق فيك بس الشكوى لله



تحيااااااتي




لك

اتعبتني بغلاك 21 May 2008 06:39 PM

صــح لســـانـكـ قصيــده رائعــه تشكــر عليهـــا


الساعة الآن 03:33 AM.

Powered by vBulletin® 2011
كل مايطرح بالملتقى لا يعبر عن رأي الإدارة وإنما يعبر عن رأي كاتبه