ملتقى شرورة

ملتقى شرورة (http://www.sharurah.com/vb/index.php)
-   ملتقى الأدب والشعر والروايات (http://www.sharurah.com/vb/forumdisplay.php?f=18)
-   -   منازله شعرية>>>الحر الاشقر&صاحب السمو (http://www.sharurah.com/vb/showthread.php?t=20476)

الحر الاشقر 03 Dec 2009 08:23 PM

منازله شعرية>>>الحر الاشقر&صاحب السمو
 
السلام عليكم,,

صاحب السمو,,

اذا ادري بك صاحب سمو ورجال مواجهه وشلعر لايشق له غبار..

واتمنى منازلتك..

وسوف ابدأ البدع,,




السمو كلمة كبيرة على بعض البشر***والبشر ياقلهم اهل ذيك العاليات
انتشر بين البشر شر في شر انتشر***والرفيق اللي حييته معي بالغدر مات

شعب الخبايا 04 Dec 2009 05:46 AM

صح لسانك اخي الحر

وكل سنة وانت بخير ومرتاح


ووننتضر الجواب من صاحب الجواب

الطير 04 Dec 2009 06:27 PM

وكلني صاحب السمو أنازلك يالحر الاشقر لأنه مو فاضي مشاغل دنيا وإذا جاء وقته بيجيك الرد




السمو خصلة كبيره عند بعض البشر *** والبشر ياكثرهم أهل ذيك الصفات

الحر الاشقر 04 Dec 2009 07:00 PM

اما وقته هذا هو ,,حان عليه الظهور ..

الا اذا كان من اللي فعايلهم بالغدر والحيلة,,
هذا شي ثاني..

واعرفك يالطير ,,

لكن ابغاك باسمك عشان تحفظ كرامتك وهيبتك..

وتواجه مثل الرجال.,.


يالبريكي لاتخبّأ وشفني معتشــر***ولاظهر من يدعي بالمراجل والصفات
ولايولّي غير من ذل وادبر وانتشر***بين جمع الرجاجيل وقفته مثل البنات
ماني من اهل الخمور والبلاوي والدشر***ولاني اللي ينهزم من فعول الخاينات

""" صاحب السمو """ 04 Dec 2009 08:43 PM

كل اللي جأني منك أرد عليه بهذي القصيده



أنا الصديق اللي ليا طحت شالك
لاضامتك دنياك والوقت بك مال

انا يمينك شـدني في شمالك
يمنى بلا يسرى ترى حالها حال

أنا عزاك وعزوتك لا جرى لك
من تاعس الدنيا هواجيس واهوال

ماني من اللي لا أغتنى ماوفالك
لو لك عليه من الجمايل والأفضال

وماني خويك كان وقتك صفالك
أناخويك لدبرت فيك الأحوال

خذني عصا موسى إذا كنت هالك
أمسح لك بحور القهر قول وأفعال

فالك عسى الله يسعد اليوم فالك
فالك عقب صوم الدهر عيد شوال

بالك يجي في خاطرك يوم بالك
انك تغيب ولا تجيلي على بال

لا لا تفكر انت في مثل ذلك
أن أتخلى عنك لو الزمن طال

ماأقول أنا ياعم مالي ومالك
ماترخص العشره ولا تغني أموال

أسمع جوابي قبل مااسمع سؤالك
خارج حدود التغطيه وارسل إرسال

على محيط السالفة حط ذالك
أجيك رجلي كان ما جيت خيال

انا لياشح الزمن في وصالك
تمدني النخوه على وصلك حبال

انا عمى عين العدو لا نوالك
أنول روحـه قبل ما روحك تنال

بينك وبين الشمس شجرة ضلالك
ما للشجـر قيمة إذا ما له ضلال

والليل لو الليل مظلم وحالك
ترسمنى الظلما على صدره هـلال

ما ني ولد عمك ولا أصغـر عيالك
خطوة الخوي تسوا بني عم وعيال

فديت اثنين ربوني ^^ 05 Dec 2009 01:11 AM

صح لسانك
تقبل مروري






حوله

الحر الاشقر 05 Dec 2009 03:32 AM

خنت العهد يابن الاجواد حالك***غدا مثل حال الخاينين الانذال
ولايخطر فبالك ومهما جرالك ***ومهما جرالي خوتك عندي محال
ابعد ومعك الردى والمهالك ***ولاتجيني لو بي الموت منزال
ولاتناديني يالغــــــر بخالك *** في قلعة الوادرين وبعض الاشكال
لابو نسابه والدما هي دوا لك***وعد علي لاسقيك دمك ولو طال
اشكي لك الحال أخ وألتجالك***واثر الزمن مابه سوا عدة رجال

تقوى الهجر 05 Dec 2009 03:37 AM

يالله يالمعبود يا رب البشر ,,, ياعظيم بأسمائك والصفات

ياجامع الخلق يوم الحشر ,,, يالمحاسب عالسيئه والصالحات

ياعالم بالغايبه والمنتشر ,,, يا محصي اعمالنا والأموات

طالبك تبعد عننا الشر ,,, وتعطينا خيرك والطيبات

""" صاحب السمو """ 05 Dec 2009 06:09 PM

تصدق لحد الأن مادريت وش الخطأ ذي جأك مني وأنا أقدر أرد عليك ويصير اللي مايشتري يتفرج

بس معي وصاه من الشايب :


لاجأتك الـــــزله من الناس القرايب *** أحــذر تـــرد الــــزله عليهم بزله

ذولا بني عمك وصحبك والنسايب *** رد الخطا فيهم يدهن الجرح بالعله

صقر الوديعه 06 Dec 2009 07:02 AM

صح لسان الشعار انا اعرف ان المحاوره ارتجاليه وحاضر بحاضر ولايكون فيها مثل الالفاض هذي واذا احتد الشاعر على الالفاض هذي يحولها الى الغاز وتكون غالبن بالتشبيه لانه لايجوز في قوانين الشعر المخاطبه المباشره في مثل هذه المحاورات لان مايحصل بين الصديق وصديقه يكون سر ولايجوز المفاضحه به وهذي معلومه اود ان اوصلها والشعر قيمه اكبر من كذا


اخوكم صقر الوديعه


الساعة الآن 06:32 AM.

Powered by vBulletin® 2011
كل مايطرح بالملتقى لا يعبر عن رأي الإدارة وإنما يعبر عن رأي كاتبه