ملتقى شرورة

ملتقى شرورة (http://www.sharurah.com/vb/index.php)
-   ملتقى الأدب والشعر والروايات (http://www.sharurah.com/vb/forumdisplay.php?f=18)
-   -   لفيت حبك والهوا وسط منديل***الحوثي اللي نقتلع عين شطه (http://www.sharurah.com/vb/showthread.php?t=20422)

الحر الاشقر 02 Dec 2009 05:14 AM

لفيت حبك والهوا وسط منديل***الحوثي اللي نلقطه في محطه,,
 
السلام عليكم ورحمة الله وبركاته,,

اولا اعتذر عن الغيبة اللي طولتها شوي عنكم..

ولكن يعلم الله الرقيب اني امر بظروف وبينعكس طرف بعضها بالعودة الحميدة والسعيدة والفريدة باذن الله وراح ابدأ اولى مشاركاتي وعسى الله يوفقني واتجمل بالطرح والشرح والصبر والشعر واتمنى ان ينال اعجااابكم..

لفِّيت حبك والهوا وسط منديل
جمعت فيه الورد والحب وسطه
وعيني تصب الدمع ياكثره يسيل
من دون ابكي وارتكب اي غلطه
وكلت امري من يسوق التفاصيل
لاحانت اللحظة وذا الباب نُطه
لاتبتليني طالبك بالأقاويل
وقلبك حلالك وين تبغيه حطه
لاترمي بيوتي صواريخ بالليل
وبيتك زجاج ابعد ولافيك شطه
كان البعد يتعبني ويالمواويل
واليوم اشوفه راحتي بالمحطه
اللي تزودني وقود الرجاجيل
اللي لهم بالعز مليون شرطة
دارن تربي جيل يربي الجيل
ماهي ديار اجيال ضاعت بسلطه
دار السعودي حامي الدين للجيل
يالله تعزه والوطن امن غطه
روح لدارك والليالي مقابيل
وارفع جبينك لو يقولون وطه
وانا جبيني ياغبي التحاليل
مرفوع من قبلك وبعدك نمطه
ودعتك الله يحفظك والعشق سيل
والشوق ياكبره ولابد تبطه
شفت السمو يلعب بذيله وياليل
هذا قبل يومين واللعب خطه
يالله جنبنا دروب المهابيل
واخمد لهيبن شب ولليوم نفطه
ياكثر منهم بالفعايل مفاعيل
والحسد داب وحقد وفاه نَطّه
ان كانها لابد هروج وبلابيل
من صاغها بالوجه يازين حطَّه
نشغل الرادار ونرميه للنيل
يهجم ويدفن نطرحه بألف ورطه
يلف ويدور ونسقيه من ويل
مرسول من رب الخلايق لبسطه
نرحم ونرقع نحتمل نرفع الكيل
ننعم ولانسلم نُهاجم بشرطه
حدد وشغّل ثم نرمي مداهيل
والعسكري يوقف ويرجع محطه
يطفي الونان ويعود باكليل
من شخص لايفقد بكيفي وازطه
العلم وافي والفعايل مواويل
قد سقتها واسوقها ارم نرطه
ماكني الا المصمك بعد ماقيل
الحكم لله ثم للأهل اعطه
الله ينصرنا وهيّن ترا حيل
الحوثي اللي نلقطه في محطه,,


وسلامتكم بالربع,,

ŝ€๓ō 02 Dec 2009 05:39 AM

اولا الحمد لله على سلامتك .......,,’’
ابيات روعه تحمل الكثير من الشوق والوله .......,,’’
صح لسانك .......,,’’

الحر الاشقر 02 Dec 2009 06:11 AM

الله يسلمك ويخليك,,
صح بدنك..
ويعلم الله بحبي لكم..

شكرا عالمرور

جنرال 02 Dec 2009 06:17 PM

شطه بطه حطه رطه وطه فطه شنطه كيس


أبدااااااااااااااااااااااع


أستمر وخلينا في الشنطه

الجنوووبي 03 Dec 2009 03:06 AM

اقتباس:

المشاركة الأصلية كتبت بواسطة جنرال (المشاركة 395963)
شطه بطه حطه رطه وطه فطه شنطه كيس


أبدااااااااااااااااااااااع


أستمر وخلينا في الشنطه

منت معااي اهوه..


الساعة الآن 04:25 AM.

Powered by vBulletin® 2011
كل مايطرح بالملتقى لا يعبر عن رأي الإدارة وإنما يعبر عن رأي كاتبه