ملتقى شرورة

ملتقى شرورة (http://www.sharurah.com/vb/index.php)
-   ملتقى الأدب والشعر والروايات (http://www.sharurah.com/vb/forumdisplay.php?f=18)
-   -   لاتلذذ بجرح للضماير تجيبه (http://www.sharurah.com/vb/showthread.php?t=16240)

كربي قطر 21 Jul 2009 11:19 PM

لاتلذذ بجرح للضماير تجيبه
 
لاتلذذ بجرحٍ للضماير تجيبه
قبل جرحك جروحي نازفاتٍ عطايب
يسهل الجرح دامه من جميل الذويبه
عن جروحٍ تصيبك من طعون القرايب
ذقت سهر الليالي لين يقرى خطيبه
من غبونٍ تجيني من ربوعي وهايب
كنت احسب الحبايب ماتخلي حبيبه
وما تبدل عهوده بالرخى والنوايب
لين سارت خيولك لافحات السبيبه
وراح مظعون حبك فوق حمر النجايب
ويل قلب الهواوي كان هذا نصيبه
ماحسبنا لهجرك ياغناتي حسايب
جت جروحك وزادت لاهبي مع لهيبه
وجرح هجرك رماني بالغثى والمصايب
طول عمري همومي للضماير قريبه
والفرح عن خفوقي طيلة العمر غايب
لا بدت شمس يومي تقترب من مغيبه
ذقت من سهر جفني بالظلام العجايب
يجتمع جرح قلبي مع غبون الغليبه
لا سرى الليل جتني مثل وبل السحايب
اسمع النصح لكن خاطري مارضي به
واثر الاريام تفخر في جروح الحبايب
كل ربعي نهوني عن موارد قليبه
مثل ناس(ن) رمتهم عاصفات الهبايب
العذارى طبوعه بالنشامى غريبه
حدت الروح تمشي في دروبٍ صعايب
لاجل ريمٍ ذيورٍ في مسايل شعيبه
في فياضٍ مزونه هاملاتٍ سكايب
الشغايا زبدها يطربك في صبيبه
ما عليها شبوك ولا عليها طلايب
مع نسيم الليالي ينتشر ريح طيبه
منوة اللي حلاله ماقناها جلايب
حس سرحان الاسحم يرهبك في قنيبه
يشتكي جمر جوعه بالوقوت القشايب
مهرفٍ كن زوله مثل يابس عسيبه
طول ليله وقلبه عن مساريه هايب
من بنادق رجالٍ تطرده فوق جيبه
قشر سود البنادق عقب بيض الجنايب
الرعايد تهزه والعواصف تريبه
والرصاصه شنيعه من عطيب الضرايب
وصف حبك بقلبي صار ماينحكي به
وهجر عينك جرحني في سلاح الكتايب
كل جرحٍ بقلبي شوفتك هي طبيبه
كيف تمنع علاجك عن غميق الصوايب
ويل قلبٍ حبيبه بالحرايب طليبه
راح قلبه لغيره بالمعارك كسايب
عن سلاح السريه ذاق نار الكتيبه
وعن سموم القوايل طاح وسط اللهايب
طول ليلي سهيرٍ مثل عين الرقيبه
والعواذل هروجه تودع القلب ذايب
الحواسد تهلل لا لقت بك معيبه
ويوم عيده وقوعك بالردى والنكايب
وسهر عين الهواوي ياغناتي ضريبه
وليت قلب الهواوي يترك العشق تايب
يطرد اللي بمعلوق الضماير يصيبه
يسحره بالوعايد لو زموله زهايب
رحت غازي وطاحت نصف ساقي حطيبه
وضاعت عروق قلبي بالمحبه نهايب
كنت اراجي غرامٍ خافقي يهتني به
وعن قراح المحبه صار شربي سرايب
اشهد اني طريحٍ وان روحي تعيبه
وان هجرك رماني حول عوج النصايب
وان غدرك بقلبي حكم ربي حسيبه
وان صدقي جزيته بالردى والكذايب
دام هذي طبوعك دربكم وش نبي به
راحلٍ مع جروحك ياجميل الذوايب
واشهد ان الموده ماتجي بالغصيبه
وكل جرحٍ بقلبي من يديك السبايب

اخت الرجال 22 Jul 2009 07:16 AM

قصيده رائعه جدا

الف شكر لك كربي قطر

دمت بخير

BraveHeart 22 Jul 2009 08:11 AM

ابيات جميلة جدا

تسلم لاهنت ع القصيدة .

جروح 22 Jul 2009 09:12 AM

كلمات رائعه

مشكور على الموضوع

تحياتي

دلــــــ الورد ـــــــــع 22 Jul 2009 09:48 AM

الله يعطيك العافيه دائما مبدع

الجوري 16 Oct 2009 02:56 PM

الله يعطيك العافيه دائما مبدع
وينك مطول الغيبه


الساعة الآن 01:51 AM.

Powered by vBulletin® 2011
كل مايطرح بالملتقى لا يعبر عن رأي الإدارة وإنما يعبر عن رأي كاتبه