ملتقى شرورة

ملتقى شرورة (http://www.sharurah.com/vb/index.php)
-   ملتقى الأدب والشعر والروايات (http://www.sharurah.com/vb/forumdisplay.php?f=18)
-   -   قصيده رائعه غزل (http://www.sharurah.com/vb/showthread.php?t=15997)

كربي قطر 14 Jul 2009 11:43 PM

قصيده رائعه غزل
 
(قصيدة غزل)

إليكم القصيده وأتمنى ان ترقى إلى ذائقتكم:




هواجسٍ لافت على الفكر تطريه
وقلبي عنيد وهاويٍ في هيامه

فكري يراودني على الحب وأبغيه
هاجس شعور وراقيٍ كل هامه

على الذي حبه من الناس ناويه
حبٍ عفيف ولا يمس الكرامه

إي والله إني عاشقه موت وأغليه
وقلبي تركني ليه مدري علامه

قفّا عن عيوني وأصيّح وأناديه
وخلا الضلوع وطار مثل الحمامه

إن جيت له مشتاق شوقي أخبيه
مابيه يدري عن غلاه وغرامه

خوفي يلاقي مدخلٍ وأبتلش فيه
وقلبي يحبه مايداني خصامه

شفته وضاع الهرج والله يجازيه
وحارت دموعي وسط عيني أمامه

أرمشت انا من شان دمعي أخفيه
خوفي من المنقود فوق الملامه

لو يلبس الخيشه يزيد الحلا فيه
الزين يفرض هيبته وإحترامه

إن شافه التاجر وقف له مراعيه
تطري عليه أفكار ربح وفهامه

بكره يحط الخيش بالسوق نشريه
وعادي نشوف الخيش معروض خامه

وحتى الشجاع إن شافه اليوم ياتيه
ياتيه ذل ومرتبك في بتسامه

ياتيله يتأتأ ووده يحاكيه
وقلبه يدق ولا تشيله عظامه

يطيح من دونه سبايب خطاويه
رجله عثت به قبل ينطق كلامه

هاذي عيونه جعل ربي يخليه
وشلون لو يكشف بقايا لثامه

حسبي على أمه مع خوانه معا أبيه
وكل الجماعه والخوال وعمامه

مبهر عيون الناس محدٍ يحاليه
مثل البروق الـلآمعه بالغمامه

حبه رجوم وكل رجمٍ أعديه
وأتعب على مبداه لأعلى سنامه

ودي أوصف مير مابي بلاويه
الله رقيبي من وصايف حرامه

تذرف دموعي دايماً خوف وأرجيه
خوف أتعذب منه يوم القيامه

وودي أقول الصدق وأكشف خوافيه
العلم نور و جاهله في ظلامه

الزين يجلي والتجاعيد تمحيه
وتبقى به أخلاقه تبيّن مقامه

ياترتقي به فوق ولا توطيه
أخلاق طفلٍ بعد قطعت فطامه

وأمّا يعيش وحافظٍ عز مغليه
ولا على الرجال حفظ الكرامه

ابو جندان 15 Jul 2009 12:14 PM



صح لسانك اخوي كربي قطر

انا اشهد انك شاعر من الطراز الاول

الله يعطيك العافيه عـ القصيدة


دمت بود

.


الساعة الآن 09:22 PM.

Powered by vBulletin® 2011
كل مايطرح بالملتقى لا يعبر عن رأي الإدارة وإنما يعبر عن رأي كاتبه