التسجيل التعليمـــات قائمة الأعضاء التقويم اجعل كافة الأقسام مقروءة
  رقم المشاركة : ( 1 )  
قديم 03 Jul 2009, 12:41 AM
الصورة الرمزية افآق القمر
 

 الأوسمة و الجوائز
آخر تواجد للعضو
 بيانات الاتصال بالعضو
 اخر مواضيع العضو
  افآق القمر غير متواجد حالياً  
الملف الشخصي
رقــم العضويـــة : 5284
تـاريخ التسجيـل : Jan 2009
المشاركـــــــات : 248 [+]
عدد الـــنقــــــاط : 59
قوة التـرشيــــح : افآق القمر جديد
( بقايا جروح ) عدد المشاهدات 558 / عدد الردود 9


هاذه اول خطواتي نحو الامل المفقود


ماذا افعل وين اهذب هاذا ما اتسائل عنه


حياتي مثل قارب في بحرٍ هائج متلاطم الامواج


لم ارغب عن حبك يوما ولكن ابعدتني عنك متاهت العبور


لماذا وكيف وربما كل هاذه الكلمات تتعاقب على عقلي


وتفقدني الصواب


لماذا :هاذا العتاب


كيف: ساعيش بعد رحيلك


ربما: ساشفى من جراحك


عانيت في حبك الكثير ولم اتذمر يوما او اشكو من عذاباتك


ارحل ارحل قبل ان تقتلني همومي وتجبرني على الخلاص


من اوهامك لم ولن انسى لحظات الغدر والعدوان


لا لا لا تذكرني بقلبك اوحبك الكاذب ارحل فقط


ليتني لم اولد ليتني لم اعشق يوما واصبح بقايا جروح




كتبتها من وحي الواقع



عائلة محمد ابو مازن


عاليه ام مازن - ابنائهم -مازن -راويه - العنود


عائلة سليمان ابو عبدالله اخو ابو مازن


جميله ام عبدالله - ابنائهم -- عبدالله -- ابرار


عائلة صالح جار ابو مازن وابو عبدالله


اسماء ام منال - ابناتهم - منال - رهف





(الحلقة -1)


صباح الخير يمه


صباح النور والسرور اقول تو الناس فيه احد يصحا الساعه 11


ماباقي غير ساعتين ع الغداء


رهف يوه يمه والله البارح سهرت انا وابرار الين الصبح ع المسن


وكل ما اقولها خلاص بروح تقول لي بدري بدري الين ما اذن


الفجر


ايه انتي وهي فاضيات ما وركم ولا شي عطله


رهف يمه ليه ابوي ما يودينا مكان ولا يسفرنا والله طفش


كل زميلاتي بيسافرون عند قرايبهم والي رايحين للخارج يتمشو


الا احنا


اقول يالله انطمي ابوكِ على قد حاله من وين يجيب تكاليف


السفر


روحي المطبخ يالله وسوي الغداء


رهف يوه كل يوم شغل وكرف في هالبيت وين منال اكيد


للحين نايمه


لا منال تغسل الملابس ماشاء الله عليه صاحيه من الفجر


عسى الله يرزقها بابن الحلال الي يقدرها


رهف ايه كل الدعوات الزينه لمنال وانا لا ليه يمه انتي تحبينها


اكثر مني


ومين الي قالك اني احبها اكثر منك انتو الثنتين نور عيوني بس


هي ماقد قالت لي لا او مقدر


وانتي تتعبيني معاكِ دائما


الله يهديكِ يارهف ويرزقك بابن الحلال الي يقدر يمشيكِ على


العجين


ما تلخبطينه ههههههههه


ايه هاذا الي تبونه انه يكسر راسي لالالا ما رح يقدر


ههههههههه


دخلت منال وشافت الجو مكهرب شوي بس عادي هاذي


اسطوانة كل يوم


صباح رهوفه توك صاحيه يلااااا متى بتغدينا تراني جوعانه حيل


اقول منوله وش هالنشاط والهمه


منال قولي ماشاء الله لاتنظليني الحين واروح فيها


رهف ههههههه لا حبيبتي انا ماانظل احد عيني بارده


منال ههههههههههه بارده ليه ما تسخنيها ههههههههههه


ام منال يابنات يلاااا كل وحده تروح شغلها بدل الكلام الي


ما يودي ولا يجيب


منال و رهف طيب يمه بنروح


وفي الظهر جا ابو منال


ياهوه يا عالم وين الغداء من الصباح وش تسوون


رهف الحين اجيبه يبه


ابو منال عجلي تراني ميت من الجوع


ام منال يا ساتر وش فيك انت داخل تصارخ عسى ما شر


هههههه


كل هاذا من الجوع ههههههههههه


ابو منال ايه منه انا اشتغل طول الصباح وما احط لقمه في


فمي الين


ما ارجع وابي اكلي يكون جاهز


هاذا من حقي عليكن والا انا غلطان


ام منال يا ابن الحلال ماصارت كلمه وقلناها اكيد من حقك


وانت


ابو البيت وكلامك على العين والراس


احنا من لنا غيرك بعد الله هدي اعصابك وروق والحين


بتاكل وتشرب الشاهي


وفي غرفة النوم جلست رهف تسأل منال


وش اخبار صديقك الي في المسن عسى ما تخاصمتوا


مره ثانيه


منال اي صديق انتي اكيد تحلمي او تتخيلي انا ماعندي


اصدقاء كلهن


الي في المسن بنات


رهف علينا هل الكلام حبيبتي انا شفتك ذاك اليوم تبكين طيب


قولي لي


من الي زعلك من البنات


وانا اوريها شغلها ما عاشت الي تنزل دموعك الغاليه صحيح انك


في بعض


احيان تقهريني بهدوئك وبرودك لكني اعرفك زين


يا العصلا ما رح تقدري تكذبي علي اكيد الي معاك في المنتدى


منال تضايقة من تدخل رهف


اسالك بالله اسكتي ماابي منك اي كلمه اوك ولا تفتحي


الموضوع هاذا مره ثانيه


رهف الله الله الحين انا الغلطانه لاني ادافع عنك بس تدري


تستاهلي


الي يسويه فيك وبتشوفين اذا ما طلع على حقيقته وبينت نيته


الرديه انا ماني


رهف


منال رهفوه لا تخليني اعصب عليكِ انا الين الحين هاديه


ومروقه


والله ان ماسكتي وبلعتي لسانك


لا اوريكِ يا الدووبه


رهف وش بتسوي يعني


منال طيب يا الناصحه وش اخبار عبدالله


رهف هاه من عبدالله مااعرف احد بالاسم ذا


منال علينا حبيبتي شفت رسايله كله الي مخبيتها في


الصندوق الصغير


حقك ههههههه


يعيني ع الحب بين الجيران


رهف لا ترى انتي ما تعرفي الموضوع مو كذا كل ما


في الامر اني


كل ما اروح للمدرسه اشوف جارنا ويفضل يمشي وراي


الين باب المدرسه وفي الرجعه يمشي قدامي وعاد


هو يرمي الرسايل


و انتي خابرتني ملقوفه احب اعرف وش كاتب فيها بس


اشيلها واقراها وما ارد عليه لا يروح تفكيرك بعيد


اصلا الحين ماعاد يسوون كذا في المغازله بس انتي


تعرفينه غشيم توه متعلم


منال ايه اعرفه بس انا مو مصدقه انك ما رديتي عليه


رهف يوه يامنال انتي نسيتيني كنت بقولك على ابرار


وحكاياتها الي ما تخلص


تدرين انها تحب ولد عمها مازن بس هو مو داري بهوا دارها


يعيني عليها


منال طيب وش يدريها يمكن هو يحبها


رهف لا ما يحبها هو يبي يخطب الحين اهله يدورون


على عروس له




منال والله مسكينه ابرار جمال ومال بس اكيد ولد عمها


ذا اعمى مايشوف كل هالسحر والدلال عنده ويدور برى


رهف وش تقولين يمكن قلبه ما هويها انتي عارفه انهم


متربيين مع بعض ونادرا ما يصير فيه حب بين


عيال العم او الخال


منال المهم قولي لها تنساه لانها بتتعذب ع الفاضي


وفي الليل يحلى السهر مع الحبايب


منال رهوفه كمبيوتري مدري ايش فيه ممكن اخذ الاب توب


حقك ابي


اسولف مع صديقتي


رهف لا مافيه انا بكلم ابرار والعنود بعدين لا خلصت بعطيكِ


منال رهف بليز بس شوي وبرده لك ابي اقولها اني مقدر


اكلمها الين


ما اصلح كمبيوتري


رهف امممممممممم طيب خمس دقايق ما فيه اكثر من كذا


منال انتي تامرين امممممممممممه هاذي بوسه على راسك


الي يبيله كسر هههههههههه


رهف هاه وش قلتي ترى مافيه لاب توب الحين


منال هههههههههه لالا انتي اختي الغاليه


امزح معك يالبي قلبك


يلااااااااا الحين وريني عرض اكتافك لمدة عشر دقايق اوكيشن


رهف اوك بس انا قلت خمس مو عشر دقايق


منال طيب انتي روحي الحين واقفلي الباب وراكي


اممممممممم يلاااااااا يا قلبي ادخل بسرعه المسن


اوف وش ذا الين الحين مرت 3 دقايق وهو ما جا وش فيه


احمد سلام


منال هلا والله وعليكم السلام وينك طولت


احمد والله العيال ما خلوني ملزمين اني اروح


وياهم وبالقوة قدرت


افلت منهم


عشان اكلمك وش اخبارك وعلومك ياغلاتي


منال بخير وانت كيفك اسمع حبيبي انا مارح اقدر اكلمك


كثير كمبيوتري فيه فايروس ومو راضي يشتغل


وهاذا لاب توب اختى ومو راضيه تخليني غير خمس دقايق


احمد اقول منال لايكون زعلتي مني امس ياحبيبتي ماكنت


اقصد اني اجرحك بس كنت زعلان من البيت


وحطيت همي عليكِ


حبي لاتزعلي


منال : ايه زعلانه بس حتى ولو كنت متضايق من غيري


مايصير تسوي كذا فيني انا وش ذنبي تسمعني


كلام مثل الي قلته


ترى لو ما احبك ما كنت اكلمك الحين


احمد حبيبتي انسي الي صار امس ونبداء صفحه جديده


من اليوم


منال بشوف المهم الحين بقفل وبكره او بعده بكلمك


احمد طيب يا غلاتي تصبحي على خير


باااااااااااااااي


منال وانت من اهل الخير


بااااااااااي


رهف طاخ طيخ طوخ منال افتحي الباب


خلصت الخمس دقايق واكثر


منال طيب طيب الحين افتحه اووف منك اكيد


قاعده تعدين الدقايق


يا لطيف منك


رهف اقول منوله صكي الباب وراكِ ابي اروق مع صديقاتي


منال طيب لا تطولي نامي بدري ورانا شغل الصباح


رهف هههههههههههههه ايه يا منوله الحين بكتشف مين الي


كلمتيه


ودخلت رهف على تسجيل المحادثات


رهف وه وه وه وش ذا طيب يا منال تقولين صديقاتي


وهو صديق


اها الحين اوريكِ وش بسوي فيه


فتحت رهف الايميل حق منال


رهف هاااااااي


احمد هايين مو قلتي قبل شوي انك رايحه


وش فيكِ منال فيه شي


رهف ابد ابد بس اختي نامت وحبيت اكمل معاك المهم


وش كنا نسولف فيه


احمد انتي ادرى بالي سولفنا فيه


رهف لالا ذكرني يا دنجوان عصرك


احمد منال وش فيكِ قلبتي علي


رهف هاذا لاني ما ابيك يا اخي انت ماعندك


اخوات تخاف عليهن


وبعدين انا ماني جاريه عندك وقت ما حبيت


تراضيني ووقت ما زهقت تزعلني


اقول ترى من اليوم ورايح مالك كلام معي انت سامع


احمد منال وش صاير تونا كنا حلوين


رهف لا حلوين ولا مالحين اقول اقلب وجهك عني


وروح دور لك


على مغفله غيري


انا ما اعتقد ان الي بيننا حب هاذا هبال وكلام فاضي


روح ياابني لحال سبيلك


لا انده مامتك تجي تشوفك وانت مبهذل بنات الناس معك


احمد اقول انتي اكيد مو منال لايكون انتي اختها


رهف لا حبيبي ان هي بشحمها ولحمها باااااااااااي


ولا عاد اشوفك توطوط في ايميلي لاني بحذفك للابد


وقفلت رهوفه المحادثه وعلى طول حذفت ايميل احمد


رهف هههههههههههههه والله وبردت قلبي فيك يا مجنون ليلى


مسوي فيها حبيييب وانت يمكن ما تعرف من الحب الا اسمه


ههههههههه







Digg this Post!Add Post to del.icio.usBookmark Post in TechnoratiTweet this Post!
رد مع اقتباس
قديم 05 Jul 2009, 03:46 PM   رقم المشاركة : ( 2 )

الصورة الرمزية افآق القمر
افآق القمر غير متواجد حالياً
العضوية : 5284
تاريخ التسجيل : Jan 2009
عدد المشاركات : 248
النقاط : افآق القمر جديد
مستوى التقييم : 11

 الأوسمة و الجوائز
آخر تواجد للعضو
 بيانات الاتصال بالعضو
 اخر مواضيع العضو


وفي الصباح
منال صباح الخير رهف
رهف امممممممم وش ذا من الفجر صاحيه حشى ماصار ذا نشاط
خليني انام شوي
منال لا مافيه نوم قومي يلااااااا
او هاتي الاب توب ونامي على كيفك هاه وش قلتي
رهف لالالا بقوم خلاص مافيه لاب توب ومارح تشوفينه
منال ليه وش فيه عسى منتي مسويه مصيبه فيه
ترى قلبي ناغزني منك يارهفوه قولي تكلمي بسرعه والا اقولك
هاتيه الحين
رهف هيه هيه ماني مسويه شي لا يروح فكرك بعيد بس بصراحه
ما احب احد يلعب فيه او يخرب الاشياء الموجوده
انتي روحي صلحي كمبيوترك وريحينا من هالموال
كل شوي هاتي هاتي خلاص جبرنا ماعاد فيه سلف بنك الاب توب
قفل ابوابه
منال :طيب يا الدبه الحين بصحي ابوي يودي الكمبيوتر وبصلحه
وماني محتاجه وحده بخيله مثلك
طيب يارهف تشوفين
رهف اقول حلي عني الحين خليني اروح اخذ دوش واصحصح
منال روحي من ردك والا عاد تبيني اجهز لك الحمام بعد يا البرنسيسه
رهف لا وش دعوه ما قلت كذا بس ابيكِ تروحين غرفتك
منال طيب قومي وانا بروح يلاا ااا عجلي طاااااخ
رهف : امممممممم وين اخبيك يا لاب تووووبي العزيز ماعاد في

مكان الا وهي تعرفه اممممم احسن شي اني اخفيه في غرفة الوالدة
ههههههههه مارح يخطر في بالها انه هناك
ام منال :طاخ طيخ طوخ رهف افتحي الباب ليه مقفله باب غرفتي
وش تسوين
رهف هاه ولا شي بس كنت البس هدومي
ام منال تلبسين في غرفتي وليه ما تروحين غرفتك
رهف هاه غرفتي ما تنقفل مدري ايش فيه القفل
ام منال اقول ترى هالكلام مو علي وش عندك هنا وليه وش السالفه
رهف يووووه يمه الله يرضى عليكِ ماهناك سالفه مافيه شي
عن اذنك انا رايحه اخذ دوش وكمان جوعانه ابي افطر
ام منال طيب نشوف يارهوف روحي افطري وكوي الملابس
وفي بيت ابو مازن
ابو مازن ياهو يا عالم وين الفطور والقهوة ترى مليت من الانتظار
ام مازن يابعد حي الحين اجيب الفطور
ابو مازن وين العيال مالهم حس
ام مازن مازن خرج من بدري يقول عنده شغله راويه والعنود
يجهزون الفطور لك
ابو مازن ايه على طاري مازن للحين مالقيتي العروس الي تدخل مزاجه
وعلى حسب مواصفاته الي طالبها
ام مازن لا والله مع انه كل بنت اشوفها تاخذ العقل وكم وحده مدحتها
له بس هو مايبي الا الي في خياله
ابو مازن عند هاذا ولدك عنيد والا بنت اخوي وش فيها جمال وادب
ومتعلمه ليه ما يبيها
ام مازن يارجال خله على راحته هو الي بيتزوج موب حنا والي يوافق عليها
نخطبها له لانه هو الي بيعيش معاها
ابو مازن خلاص خلاص خليه بيبطي ما لقى الي في باله
اقول تراني نسيت اعلمك فيه واحد جاني امس في العمل ويبي يخطب
راويه بس انا قلت له يعطينا مهله عشان نسأل عنه وعن اهله
ام مازن ايه والله هاذي الساعه المباركه ومتى بيجي البيت
ابو مازن تو الناس انا ما عطيته موعد قلت له بنسأل ونرد له خبر
ام مازن طيب يا بعدي اسأل عنه بسرعه ولا تخليه الين يروح مثل الي قبله
ترى البنت مالها الا بيت زوجها وانت ماشاء الله عليك بالك طويل
ابو مازن لازم يكون بالي طويل انتي تبينه يقول عننا انه ما صدقنا انه جاء وعلى طول وافقنا
لا هاذولا بناتي وماني راميهم على اول خاطب يجيني ما اعطيهم الا لرجل قد المسؤووليه
ذيك الساعه وكمان اساعده بالي اقدر عليه عشان ينسترون
ام مازن والله كلامك عين العقل يا ابو مازن الله يخليك لنا
وفي بيت ابو عبدالله
عبدالله ابرار تعالي
ابرار خير وش تبي
عبدالله ابرار يا اختي الغاليه ابيكِ بشغله بسيطه مررررررره
ابرار وش هي الشغله تراك عليتني كل شوي وانت ابيكِ ابيكِ
عبد الله بروره انتي متى بتروحين لبيت جيراننا
ابرار اي جيران ياكثرهم
عبدالله بيت عمي ابو منال
ابرار ايه وش تبي فيهم
عبدالله ما ابي شي بس اسأل
ابرار ههههههههه علينا اقول طلع الي في قلبك كله والا تراني ماني رايحه لهم ابد
عبد الله يا اختي الغاليه ابيك بس تودين هالهديه لعمتي ام منال
لاني اشوفها مثل امي وحرام هي ما عندها اولاد
ابرار ياحنيييييين وش هالذوووق والمحبه الي صارت لام منال
هي جارتنا من زمان يمكن قبل ما تنولد انت
عبد الله :انتي وديها وبس ليه الاساله الكثيره
ابرار طيب هات الهديه وامي جبت لها مثل هالهديه او انك نسيتها
عبدالله لا جبت لها احلى من ذي والحين متى بتروحين
ابرار امممممم والله مدري اذا خلصت من شغل البيت وبعدين
علي غسل السطح والحوش الخ الخ الخ
عبد الله لالا روحي الحين خلصي شغل البيت وانا بكنس السطح والحوش
وبعدين وين الشغاله ليه ما جات اليوم
ابرار عبودي وش فيك الشغاله راحت من اسبوع لبلدها انت نسيت والا ايه
عبد الله ايه صح صح وانا الي موصلها للمطار بنفسي
ابرار ههههههههههه الي ماخذ عقلك يتهنابه يا عبود
عبد الله ابرار اقولك بس ما تعلمين احد
ابرار هههههههه اكيد سرك في بير غميق
عبد الله انا احب
ابرار خخخخخخ تحب والله عشتي وشفتي يا ابرار اخوكِ عبود يحب
ومن جولييت يا روميو
عبد الله اوووووه بدينا بطنازه ياالله روحي لشغلك ماابي اكلمك
اصلا انا الغلطان لاني اصارحك
ابرار وي وي وي وش فيك يا عبود انت زعلت
يا الله يا حلو خبرني من سعيدة الحظ الي شغلت قلب اخوي الحلو الي ما فيه مثله اثنين في البلد
عبد الله صديقتك رهف
ابرار ههههههههههههههههه رهوفه والله ماني مصدقه يعني صديقتي بتصير زوجة اخوي
ياحظي ومتى بتخطبها هاه
عبد الله انتي اول شوفيها يمكن ما تبيني بس قولي لها اخوي يحبك موت
ويتمنى اليوم الي تكونين زوجته
ابرار عبود انت كيف حبيتها وانت ماقد شفتها لا تخبي علي لاني اكيد بكتشف كل شي من رهف
وياويلك اذا كنت تعاكسها او تاذيها
عبد الله : لا والله انا شفتها بالصدفه وهي خارجه من بيتهم وهي ماشيه الهواء كشف وجهها
وشفت ذاك القمر سبحان خالقها ومن يوم ماشفتها تعلق قلبي فيها
وكل يوم امشي وراها بس هي ما تعطيني وجه ويمكن حتى رسايلي ما تشوفها
ابرار الله الله كمان رسايل ياويلك يا عبود من ابوي والله لا يشبحك على الجدار ويعطيك بالخيزرانه الين ما يظهر الدم منك
هاذي بنت جيراننا وابوها صديق ابوي ليه تسوي كذا انت تبي احد يسوي معي مثل ماتسوي مع رهف
عبدالله لا والله لا اقتله قبل مايمسك بشي او حتى يهوب ناحيتك
ابرار اجل كيف ترضى على الانسانه الي تبيها تكون زوجتك وام عيالك
اسمعني زين من اليوم مالك طريق عليها هاذا اذا تبيني اتوسط لك عندها
عبد الله حاضر انتي تامرين يا ابرار هانم
بس امانه بلغيها اني احبها وانها شاغله تفكيري بالحيل
ابرار طيب ببلغها ياالله عاد روح كنس السطح والحوش
عشان اقدر اروح وانا مرتاحه ههههههههههههههههههه
عبدالله تأمرين ياعمتي ابرار فيه شي ثاني
ابرار لا هاذي اوامري حق اليوم بس انتظرونا غدا هههههههه
وفي بيت ابو منال
رهف يمه ابرار بتزورنا اليوم توها متصله
انا بسوي البيتزا والعصير وخلي منال تسوي الحلى
ام منال الله يحيها الغاليه بنت الغاليه
وش منتظره روحي ع المطبخ بسرعه مافيه وقت للهرج الفاضي
منال خير وش فيكم
رهف صديقتي ابرار جايه عندنا ياالله معي ع المطبخ نسوي الاكل
منال يوووه انا تعبانه الحين ماودي اسوي شي
رهف لاوالله احمدي ربك اني بسوي البيتزا والعصير والقهوة وانتي يالله ياالله بتسوين الحلى بس
منال طيب وش سبب زيارتها
رهف ياسلام هو لازم يكون فيه سبب للزيارة تبي تسولف معانا
ونفرفش شوي بدل الضيقه والطفش الي احنا فيه على الاقل نلقى سوالف جديده
وبعد المغرب جات ابرار عند رهف
ابرار ضاغطه ع الجرس بقوتها كلها
رهف طيب طيب ياساتر من ذا الي مو قادر يصبر مين مين عند الباب
ابرار افتحي ياالدوبه وش فيكِ حرقت الجرس وانتي مين مين يعني ماتعرفيني كيف ارن الجرس
اوووف حر حر الجو يخنق برى
رهف هلا هلا يا مرحبا بالطش والرش وريح العود بالغرش
امه امه ياهلا والله بحبيبتي بروره
ابرار وه وه وش ذا الترحيب عسى ماشر مسخنه فيكي شي رهف ترحب بي كل هالترحيب والله اني مستغربه
اكيد فيه شي
رهف يؤ يؤ والله انتي العجيبه اذا رحبت تعجبتي واذا مارحبت زعلتي حيرتيني معاكِ
منال اهلين ابرار كيفك يا الغلا
ابرار هلا منال الحمدلله بخير وانتي كيفك
منال بخير عن اذنك شوي وراجعه
ابرار خذي راحتك ياالغلا انا في بيتي ماني مستحيه ههههههه
منال رهف ممكن شوي
رهف خير وش تبين
منال تعالي وبس
رهف طيب
وخرجو منال ورهف للصاله
منال رهف عطيني الاب توب ابيه شوي على ما انتي جالسه عند ابرار
انا بدردش شوي مع صديقتي
رهف هاه لالالالالا ما ابي اعطيكِ الاب توب صلحي جهازك ودردشي على كيفك
منال انتي عارفه انه ابوي للحين ما اخذه للمصلح
ياالله عاد رهوفه اتركي البخل عنك مارح اسوي شي فيه بس بدردش شوي
وبرجعه لك سليم ومعافا مارح يمرض معي
رهف طيب انتي روحي الحين وانا بجيبه
ياربي وش ذا النشبه ياالله بعطيها وامري لله بكيفها ههههههه
هه خذي الاب توب ولا تطولي فيه بحجت انه عندي صديقتي ومارح احس بالوقت
منال طيب طيب اخرجي الحين بسرعه عشان ماتفتقدك صديقتك وانا بخلص بسرعه وارده لغرفتك

رهف طيب انا خارجه
منال ااااااااااااه وش ذي البلوه ماتروح الا بعد ماترفع ضغطي
ااااااااااااااه ياحبيبي وحشتني موت
وفتحت منال المسن وه وين ايميلك ياقلبي
كيف انحذف انا ماحذفته ياربي الحين ايش اسوي لازم اروح المنتدى اخذه من الرسائل
وراحت للرسائل وي وي وين الرسائل انا ماحذفتها امممممممممم طيب يارهف اكيد انتي دخلتي وحذفتيها
ياويلك مني ياربي حتى احمد مو متواجد في المنتدى لكن برسله رساله
عشان يعطيني الايميل مره ثانيه
وفجئه دخل احمد المنتدى
وه الحمدلله ياربي يرسل الايميل بسرعه
احمد كان زعلان حيل من منال بس لما شاف الرساله استغرب وبعدين طنشها
ومافتحها ومنال المسكينه تناظر المتواجدين وشافت احمد ع الرسائل
وفجئه خرج من المنتدى بدون مايرد وهي تطالع الف فكره تجول في راسها
ليه يا احمد ليه مارديت وش السبب
وخرجت منال وهي مكسورت الخاطر ومعصبه من اختها الي خربت كل شي بينها وبين احمد
وقفلت الاب توب ورجعته مكانه
ودخلت على رهف وابرار وهم يسولفون كانت مقهوره حيل ومنتظره خروج ابرار عشان
تبدأ المناقشه الحاميه بين الاخوات
بس ماقدرت تصبر وفضلت انها تروح غرفتها
 
Digg this Post!Add Post to del.icio.usBookmark Post in TechnoratiTweet this Post!
رد مع اقتباس
قديم 05 Jul 2009, 06:32 PM   رقم المشاركة : ( 3 )

الصورة الرمزية الشيخ مناحي
الشيخ مناحي غير متواجد حالياً
العضوية : 6287
تاريخ التسجيل : Jul 2009
عدد المشاركات : 52
النقاط : الشيخ مناحي صاعد
مستوى التقييم : 11

 الأوسمة و الجوائز
آخر تواجد للعضو
 بيانات الاتصال بالعضو
 اخر مواضيع العضو

يسلموو على هل قصه الرائعه

والبدايه الجميله

ومنتظرين باقي القصه

بس لاتطولين علينا
 
Digg this Post!Add Post to del.icio.usBookmark Post in TechnoratiTweet this Post!
رد مع اقتباس
قديم 05 Jul 2009, 07:13 PM   رقم المشاركة : ( 4 )
" وأبتدت تــفاصـيل الحـكآية "

الصورة الرمزية Mr_7boob
Mr_7boob غير متواجد حالياً
العضوية : 5046
تاريخ التسجيل : Dec 2008
المكان : center my dreams
عدد المشاركات : 5,740
النقاط : Mr_7boob جيد جداًMr_7boob جيد جداًMr_7boob جيد جداً
مستوى التقييم : 32
Male/Female علم الدولة

 الأوسمة و الجوائز
آخر تواجد للعضو
 بيانات الاتصال بالعضو
 اخر مواضيع العضو

ارجع لهآ وانآ رآآآآيق ,
توقيع » Mr_7boob
 
Digg this Post!Add Post to del.icio.usBookmark Post in TechnoratiTweet this Post!
رد مع اقتباس
قديم 05 Jul 2009, 07:14 PM   رقم المشاركة : ( 5 )

مابين السطور1 غير متواجد حالياً
العضوية : 4668
تاريخ التسجيل : Aug 2008
عدد المشاركات : 1,601
النقاط : مابين السطور1 جديد
مستوى التقييم : 17

 الأوسمة و الجوائز
آخر تواجد للعضو
 بيانات الاتصال بالعضو
 اخر مواضيع العضو

وين خالد مشعل وهنيه هههههههههههههه

نحكم أخر القصة ههههههههههه

متابع

تحياتي
 
Digg this Post!Add Post to del.icio.usBookmark Post in TechnoratiTweet this Post!
رد مع اقتباس
قديم 12 Jul 2009, 05:31 AM   رقم المشاركة : ( 6 )

الصورة الرمزية روحي فداكـ
روحي فداكـ غير متواجد حالياً
العضوية : 6355
تاريخ التسجيل : Jul 2009
عدد المشاركات : 569
النقاط : روحي فداكـ صاعد
مستوى التقييم : 12

 الأوسمة و الجوائز
آخر تواجد للعضو
 بيانات الاتصال بالعضو
 اخر مواضيع العضو

يسلموعلى القصه

وننتظر باقي القصه




تحياتي
توقيع » روحي فداكـ




حَين نَمر بآلآمآكن آلي تحمِل آلكَثير مِن آلذكريآت ,
ونَقف آمآم كُل زآويه مُسترجعين كل آلآحدَآث ,
فِي آلوآقع :
نحنْ لآ نشتآق لِتلك آلآوقآت ،‘ فَقط !
بل آننآ نشتآق لآنفسنآ كَيف كُنآ حِين ذآكْ,
...نَشتآق لذآتنآ آكثر مِن
آلآمَآكن !
 
Digg this Post!Add Post to del.icio.usBookmark Post in TechnoratiTweet this Post!
رد مع اقتباس
قديم 14 Jul 2009, 02:48 AM   رقم المشاركة : ( 7 )

يفـوق الـوصف غير متواجد حالياً
العضوية : 6060
تاريخ التسجيل : Jun 2009
عدد المشاركات : 737
النقاط : يفـوق الـوصف صاعد
مستوى التقييم : 13

 الأوسمة و الجوائز
آخر تواجد للعضو
 بيانات الاتصال بالعضو
 اخر مواضيع العضو

افاق لو طولتي شوي كان طلعت عيوني

مبدعه قصة جميلة وغاية في الروعة
 
Digg this Post!Add Post to del.icio.usBookmark Post in TechnoratiTweet this Post!
رد مع اقتباس
قديم 14 Jul 2009, 07:52 AM   رقم المشاركة : ( 8 )

الصورة الرمزية راكان ال جريبه
راكان ال جريبه غير متواجد حالياً
العضوية : 6338
تاريخ التسجيل : Jul 2009
عدد المشاركات : 586
النقاط : راكان ال جريبه صاعد
مستوى التقييم : 12

 الأوسمة و الجوائز
آخر تواجد للعضو
 بيانات الاتصال بالعضو
 اخر مواضيع العضو

مبدعه قصة جميلة وغاية في الروعةشكرين لكي
توقيع » راكان ال جريبه
من عز نفسه مايذلونه الناس
ومن ذلها ياشين نفسه نبذها

يمشي في الدنياء وهو ناكس الراس
يتجرع العلقم وعايش نكدها

مايحمل الشده ولايحمل الباس
حتى الثقه في النفس كنه فقدها

محتار في رايه وقد ساده الياس
مهزوز دايم والرجوله خسرها

كثر الشبه في الناس والعز مقياس
من زاد عزه بين ناسه كسبها </B></I>
 
Digg this Post!Add Post to del.icio.usBookmark Post in TechnoratiTweet this Post!
رد مع اقتباس
قديم 20 Jul 2009, 07:38 AM   رقم المشاركة : ( 9 )

الصورة الرمزية {aZoOoZ..
{aZoOoZ.. غير متواجد حالياً
العضوية : 5060
تاريخ التسجيل : Dec 2008
عدد المشاركات : 125
النقاط : {aZoOoZ.. صاعد
مستوى التقييم : 11

 الأوسمة و الجوائز
آخر تواجد للعضو
 بيانات الاتصال بالعضو
 اخر مواضيع العضو

دآآئمآآ تبهرينآآ آختي آلغآليه بروعة قصصك

متآآبع لآآخر قطره هع
 
Digg this Post!Add Post to del.icio.usBookmark Post in TechnoratiTweet this Post!
رد مع اقتباس
قديم 24 Jul 2009, 09:26 AM   رقم المشاركة : ( 10 )

الصورة الرمزية {aZoOoZ..
{aZoOoZ.. غير متواجد حالياً
العضوية : 5060
تاريخ التسجيل : Dec 2008
عدد المشاركات : 125
النقاط : {aZoOoZ.. صاعد
مستوى التقييم : 11

 الأوسمة و الجوائز
آخر تواجد للعضو
 بيانات الاتصال بالعضو
 اخر مواضيع العضو

لرفع آلموضوع

آبغآآ آلكل يستمتع بمآآ تكتبه آلآخت آلفآآضله آفآآق آلقمر

ومآآ زلنآ منتظرين
 
Digg this Post!Add Post to del.icio.usBookmark Post in TechnoratiTweet this Post!
رد مع اقتباس
إضافة ردإنشاء موضوع جديد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



Powered by vBulletin® 2011
كل مايطرح بالملتقى لا يعبر عن رأي الإدارة وإنما يعبر عن رأي كاتبه