عرض مشاركة واحدة
قديم 01 May 2011, 10:58 PM   رقم المشاركة : ( 247 )
مجروح وين ماروح

الصورة الرمزية مجروح وين ماروح
مجروح وين ماروح غير متواجد حالياً
العضوية : 11112
تاريخ التسجيل : Apr 2011
عدد المشاركات : 139
النقاط : مجروح وين ماروح صاعد
مستوى التقييم : 9

 الأوسمة و الجوائز
آخر تواجد للعضو
 بيانات الاتصال بالعضو
 اخر مواضيع العضو

رد: ღ .. حـين آخجل بآلنظرٍ إليڪــ ،..آعذرٍنـي فـ إنآإ آنثــى .. ღ مدونتيے •● -


قصيدة لكل من فقد الاب





يا قبر سلم لي على اللي نزل فيك
مع النبي الهاشمي والصحابه
يابوي ياللي طيبات مماشيك
اسمع ولدك اليوم يكتب جوابه
بجيرة الرحمن يابوي اهنيك
الواحد اللي ما يخيب الرجابه
يابوي جعل الغيث يمطر ويسقيك
يرش قبرك لين يربع جنابه
ما عنك خافي كل ما حل طاريك
يهل دمعي مثل وبل السحابه
وتبكي الحنون وتنتخي بك وترجيك
من لامها جعله يضيع صوابه
يبكي عليك العود الازرق ويرثيك
المجلس مابعد صك بابه
وتبكي عصاك اللي وزانك تباريك
والدله الصفرا وباقي زهابه
يا بوي ليتك تسمع اللي يشاكيك
. وتشوف عقبك ما جرى له وصابه
على النعش سجت عيوني تراعيك
واشوف قبرك يوم هلوا ترابه
وشفت النصايب فوق قبرك تحجيك
يا شين ذاك اليوم واللي جرى به
اقفوا وانا قلبي من الشوق قافيك
اقنب من الفرقا قنيب الذيابه
يا بوي انا لك برفع الصوت وابكيك
وقت مضى وياك لا واسفابه
لو طالت الايام ما نيب ناسيك
وشلون ابنسى من عطاني شبابه
ويا ديرتي انا عقب احمر العين ما بيك
ديرتن عقب العود وش ينبغابه
لولا رجالٍ فيك ما جيت ناصيك
اللي لهم عز وجلال ومهابه
كلٍ يغيب ورجعته لك تسليك
الا طريح الموت يبطي غيابه
مرحوم ياللي كل الاجواد تغليك
فيك الكرم والجود كلٍ درى به
اربع سنينٍ مالقينا مداويك
عسى لك الجنه من الله وهابه
في جنة منزالها عند واليك
مع النبي الهاشمي والصحابه