ملتقى شرورة - عرض مشاركة واحدة

انا شخصياً ..! · رقم المشاركة : ( 1 ) 03 Sep 2010, 10:39 AM

السلام عليكم ورحمه الله وبركاته

كل عام وانتم بخير .. ومبارك عليكم الشهر .. وعيدكم مبارك .. وعيدكم الاضحى الجاي مبارك .. وهابي فالنتاين .. وهابي ميل .. ووش علومكم ووش اخباركم .. !! ؟

^
آنتهــينا من فاصل علوم المرجله الي فوق وخلونا ندخل ع الخمنبقه والخثرقه

الموضوع اسمه صدى المواضيع " يعني الردود "

كلنــا ندخل في بعض المواضيع نتناقش واحياناً يكون فيه رد من كاتب
وتبغى تقتبسه وترد عليه " ويعيقك نظام ممنوع الشتشته "

ماتقدر ترد عليه لانك ربما تخرج عن صٌلب الموضوع
وبكذا تكون هضمت حق كاتب الموضوع الاصـلي وعرضت نفسك للمحاكمه
اما يٌحذف ردك وأنت متكلف وكاتبه بكل ثقه وفالاخير سبب الحذف " شتشته " خارج عن الموضوع الاصلي
او تتسبب في نقل موضوع الكاتب الى الارشيف اذا كثرت ردود خارجه عن الموضوع
يكون المراقب ماهو موجود او ماشاف الموضوع ويدخل وردودك عشرين رد يعني ماهو معقول
يروح يحذف كل شوي رد الا ينقل الموضوع برمتــه ومايلام

< ثم تبدا اغنية عبدالحليم حافظ ظلمـــوه

اذاً عرفتو فكرة الموضوع

رد خاطرك تشرشحه وتتناقش معه
تقوم تقتبسه و تسدحه هنــا وتعلق عليه مع مراعاة وجٌود اسم الكاتب فالاقتباس
واذا حبيت تتناقش معه تبلغه وادخلو فيذا وتســالخو بوجهـات النظر والادله والبراهين حتى يقتنع
احدكم أو ينتهـي بكم الامر
الى تسجيل خروج وهلم جرى
< ترا ماكتبت الموضوع الا عشان هلم جرى ويالله لقيت لها مكان

دستور الموضوع وبتمشي عليه غصب

1- الالفــاظ السوقيه وكلام سكان الأزقه مانبيه يعني نقاش اخوي ومبني على الاحترام واحترام الي يناقشك اهم وحتى ماحترمت وجهة نظره < مجرد تذكير فقط ولا انا عارف انكم منتو ب مسوينها

2- عدم استخدام هذا الموضوع لاقتباسات تتحول الى تصفية حسابات شخصيه والتعرض لأي شخصيه بإسمِها أو حتى لمزِها .. و يندرج تحت هذا البند نُقاط غير قابلة للخوض / مِن قبل الكاتب أو القارىء

3- في حالة وجٌود رد تجاوز النص غفل عنه المشرف [ جل من لايسهو ] لايحق لأي عضو تجاوز صلاحيات الاشراف والتهجم على الكاتب / ونُرحب بالنقد الهادف البناء في هذا الموضوع وتقييم النص ادبياً .. ونقد النص أدبياً يعني البعد التام عن التطاول على فكر وتوجه الكاتب ومن كان اقتباسه ( شخصنه فسوف يتعرض للعقوبة حذف رده ) وسبق الحديث عن الشخصنه في البند الثاني ولكن من باب الاستزاده

4- تقوم تقبتس رد وتطرحه هنــا وتقوله مشكور ياعمري ياحياتي ردك فالصميم كفيت ووفيت .. هاذي يوفرها ويكلم الاداري وراح يزود له مشاركه بدون مايكتب ويتعب نفسه لاتقتبس الا وانت تبي تناقش فقط اما المجاملات والتعزيز لاتخُدم منهجية هذا الموضوع ولاترتقي
بالنقاش الهادف البناء اطلاقاً < اتلاكاً اتلاكاً

5- يحق لأي شخص وشخصه مناقشة أي شخص وشخصه في حال سوء الفهم في احد المواضيع يعني يشرح
له فيــذا بالتفصــيل يعني " صاحب موضوع كتب بطريقه راقيه وعلميه ولقى له عضو ابثر امه وش معنى ذا وش معنى ذا " يجي هنا ويشرح له وترى ممنوع يقوله ياغبي

6- القسم الرياضي تبي تقتبس رد من موضوع يتعلق بالرياضه ياليت تراجع ثقافتك في مجال الرياضه وتعرف ان
الموضوع هذا لايوجد فيه مجـــال " قاهركم " " مهجدكم " الفاظ العقليات المتحجره والي فاهمين غلط مانبيها
هنا ( نقاش ناس فاهمين فالرياضه مطلوب هنا فقط )

هذا و جعلنا الله و إياكُم هُداه مُهتدين غير ضالين ولا مُضلين

اخوكم

sweet

إحصائية مشاركات » انا شخصياً ..!
عدد المواضيـع :	52
عدد الـــــــردود :	871
المجمــــــــــوع :	923