سلآم .. صبآح آلخير .. شحآلكم .. أكيد بخير مآحد يشكي ضرورهـ .. صح ..
،
هذه قصيده للشاعر محسن الهمامي وجدتها في منتديات الشاعر مهدي ال حيدر وأعجبتني
وحسيت بأنها تجسد حال الكثير من الأعضاء والمنتديات ومنها منتدانا
،
،
سلام يا أهل المنتدى .. في منتدى المجد الأشم & ياللي على شان الوفاء .. ما ردّكم سوء الظروف
في حبكم .. شعري يسابقني ويسبقه القلم & والطرس أشوفه فاتحٍ صدره يبي ضمّ الحروف
ولْكم مشاعر خافقي تاقف على ساق وقدم & لو طالت الوقفة بها .. ما تشتكي طول الوقوف
تستاهلون الطيب يا أهل الطيب الأول والكرم & تزهى بيوت الشعر لا سيقت لبيضان الكفوف
واللي حصل خيره .. وناخذ منه تحفيز الهمم & ونغيظ من هو يحْسب إن الشمس له جاها كسوف
ما حن نحَسْب اللي تساوى في وجوده والعدم & ما حن نحَسْب إلا كفو لا جا المداحم له كتوف
يا اللي تحَسْب إن العدد في منتدانا هو الأهم & يا ويش تنفعنا الرعاع ولو عددها بالألوف
هذي الغنم مهما تزايد عدّها تبقى غنم & تاتي تدرعم كلها .. والقايد الأعلى خروف
والمحترم بقلوبنا يبقى لأنه محترم & بلا اعتبار لمن يكون ولا لأجِل خاطر هنوف
واللي تركنا لو يشوف إنه يخالجني ألم & لا هو على شانه ولا فرقاه تلحقني حسوف
آنا أعتصر حسرة فقط لأجل المبادي والقيم & يرخص ثمنها بين جهل وبين قضّاية شفوف
ومن راح عايف ما ترك في القلب بعده أيّ هم & ماني بجاحد ما سبق .. لكنّ ماني له شغوف
وإن كانهم أوباش قومٍ أو عديمين الذمم & لا والله إلا عادني با قول للمقفي ذلوف
عملاقنا أكبر من إنْه يحط من قدره قزم & إن كان ودّك تستمع للعلم وإلا إنك تشوف
المنتدى هذا جبل .. يبقى جبل .. نايف وأصم & ما هزّه الزلزال حتى إنها تميّله الشعوف
والمنتدى هذا غدا لقلوبنا مثل الحرم & أستغفر الله لو بقول إنها حوالينه تطوف
والله .. ثم والله .. لو ماعاد يبقى إلا الاسم & جاته قلوب اللي يحبونه طوابير وصفوف
يا منتدانا عشت شامخ دوم في روس القمم & اللي يحبونك أبد .. ماهم يحَسْبون الظروف
،
،
،
أرجوآ أن تنآل إعجآبكم .. ..
،
تحيآتي : mr.RadoOoi