عرض مشاركة واحدة
  رقم المشاركة : ( 1 )  
قديم 14 Jul 2009, 11:43 PM
 
كربي قطر

 الأوسمة و الجوائز
آخر تواجد للعضو
 بيانات الاتصال بالعضو
 اخر مواضيع العضو
  كربي قطر غير متواجد حالياً  
الملف الشخصي
رقــم العضويـــة : 6241
تـاريخ التسجيـل : Jun 2009
المشاركـــــــات : 225 [+]
عدد الـــنقــــــاط : 10
قوة التـرشيــــح : كربي قطر صاعد
قصيده رائعه غزل عدد المشاهدات 448 / عدد الردود 1

(قصيدة غزل)

إليكم القصيده وأتمنى ان ترقى إلى ذائقتكم:




هواجسٍ لافت على الفكر تطريه
وقلبي عنيد وهاويٍ في هيامه

فكري يراودني على الحب وأبغيه
هاجس شعور وراقيٍ كل هامه

على الذي حبه من الناس ناويه
حبٍ عفيف ولا يمس الكرامه

إي والله إني عاشقه موت وأغليه
وقلبي تركني ليه مدري علامه

قفّا عن عيوني وأصيّح وأناديه
وخلا الضلوع وطار مثل الحمامه

إن جيت له مشتاق شوقي أخبيه
مابيه يدري عن غلاه وغرامه

خوفي يلاقي مدخلٍ وأبتلش فيه
وقلبي يحبه مايداني خصامه

شفته وضاع الهرج والله يجازيه
وحارت دموعي وسط عيني أمامه

أرمشت انا من شان دمعي أخفيه
خوفي من المنقود فوق الملامه

لو يلبس الخيشه يزيد الحلا فيه
الزين يفرض هيبته وإحترامه

إن شافه التاجر وقف له مراعيه
تطري عليه أفكار ربح وفهامه

بكره يحط الخيش بالسوق نشريه
وعادي نشوف الخيش معروض خامه

وحتى الشجاع إن شافه اليوم ياتيه
ياتيه ذل ومرتبك في بتسامه

ياتيله يتأتأ ووده يحاكيه
وقلبه يدق ولا تشيله عظامه

يطيح من دونه سبايب خطاويه
رجله عثت به قبل ينطق كلامه

هاذي عيونه جعل ربي يخليه
وشلون لو يكشف بقايا لثامه

حسبي على أمه مع خوانه معا أبيه
وكل الجماعه والخوال وعمامه

مبهر عيون الناس محدٍ يحاليه
مثل البروق الـلآمعه بالغمامه

حبه رجوم وكل رجمٍ أعديه
وأتعب على مبداه لأعلى سنامه

ودي أوصف مير مابي بلاويه
الله رقيبي من وصايف حرامه

تذرف دموعي دايماً خوف وأرجيه
خوف أتعذب منه يوم القيامه

وودي أقول الصدق وأكشف خوافيه
العلم نور و جاهله في ظلامه

الزين يجلي والتجاعيد تمحيه
وتبقى به أخلاقه تبيّن مقامه

ياترتقي به فوق ولا توطيه
أخلاق طفلٍ بعد قطعت فطامه

وأمّا يعيش وحافظٍ عز مغليه
ولا على الرجال حفظ الكرامه
رد مع اقتباس