عرض مشاركة واحدة
قديم 09 Nov 2006, 11:00 AM   رقم المشاركة : ( 7 )
نزٍُفْ آلمًشًِْآعًٍر

الصورة الرمزية نزٍُفْ آلمًشًِْآعًٍر
نزٍُفْ آلمًشًِْآعًٍر غير متواجد حالياً
العضوية : 109
تاريخ التسجيل : Nov 2006
المكان : شـــــرورهـ >العزٍيـزٍيـه<
عدد المشاركات : 426
النقاط : نزٍُفْ آلمًشًِْآعًٍر صاعد
مستوى التقييم : 15

 الأوسمة و الجوائز
آخر تواجد للعضو
 بيانات الاتصال بالعضو
 اخر مواضيع العضو

اللهم ارنا عجائب قدرتك في الصهاينه .. اللهم رد كيدهم في نحورهم اخي نزف المشاعر ماذا تريدنا ان نقوول وحكامنا كل سنه او سنتين يقولون سوف نحل القضيه الفلسطينيه وتجتمع اكثر من عشرين دوله ويقولون انتظروا وسوف ترون النتيجه الى متى ..؟؟

ولاكن نقول لحكآمنآ كما قالها الشاعر عامر بن عطاالله بن شيمان :



تكفون قوموا يالرجـال السلاطيـن .... حق العرب وشلون نسلـى وننسـاه

تكفون ثم تكفون عشـره وعشريـن ...الـذل ثـوب وكلبـونـا لبسـنـاه

وشلون نرضى الذل وحنا عزيزيـن ..... ماعمرنـا والله سكتنـا ورضينـاه

غزا اليهودي ليـن دمّـر فلسطيـن.... ثـم العـراق وراح لبنـان يقفـاه

وشعب العرب ماهمهم شي ساليـن .... غير البلوت يشيلها وسـط مخبـاه

صن وحكم وإلعب ترى معي خمسين .... وشيل الورق وفلان لايفرش سـراه

وواحد حجر عجلّ ياعمّو حسنيـن .... وبراد شاي ومرتكي فـوق مركـاه

وذا مجلس القمه له سنيـن وسنيـن ... يصـدر كـلام وكلبونـا سمعـنـاه

تلقـاه فالاخبـار أهـم العنـاويـن .... ونتابعـه عبـر الصحافـه ونقـراه

نضحك على انفسنا لنا سنين ودنين... .بالله قولوا لي وش اللـي استفدنـاه

حنا عبـاد الله وحنـا هـل الديـن ......والله يلعنّـا ليـا مــا احتميـنـاه

قـام اليهـودي يدّهـر فالنساويـن ....وكل الذي يطري على البال سـوّاه

وراح يتخيّـر فالبنـات المزاييـن ....ويزني بهن ويذلهن هـو وأخويـاه

وقاموا يدكّون النسـاء والوراعيـن ...والمسلم تكتّـف يـده فـوق علبـاه

وين الرجال المسلميـن الشجيعيـن ...اللي ليا نـادا الشـرف لبّـو نـداه

حنا وخذنـا مابهـا يسـار ويميـن ...والله ثـــــــم والله والله والله

مادام بـوش مصـدّرٍ لـه قوانيـن .... والجيش فـي بغـداد قـام يتوطّـاه

وشارون ياهل العرف ملعون والدين .... قام يتمـالا القـدس حتـى تعـدّاه

وألمرت في لبنان والنـاس داريـن ....يسري على شعبه وحدّه على أقصاه

كنّه يقول انتم ضعـاف ومساكيـن ....والمسلـم ألعـن كوثـره وأتحـدّاه

تكفى يابو متعب صعوط المجانيـن ....ياعز للـي يعتـزي بـه وينخـاه

أنت الزعيم وكفو يابـن الزعيميـن .... يوم الوطن محد(ن) تعدّا على حماه

وكلمتـك وحـده ماتثنّـى لثنتيـن ....يابن الامام اللي على العـز ذكـراه

صدّر قرارك في نحور الحسوديـن .... خلّ اليهـودي يـدري إنـا نتحـداه

تكفى يابو متعب وهالحين هالحيـن ....نبـا انتجهـز للـعـدو وانـتـولاه

ونبا نرد الصاع للكلـب صاعيـن ..... ونعلّمـه بالفعـل وشلـون نلـقـاه

السن فيـه السـن والعيـن بالعيـن .....والذل ياهـل الـذل ماعـاد نبغـاه

حنّا جيـوش الديـن والمستعديـن ...والمـوت دون الواجبـه ماحسبنـاه

وحنا عباد الله وحنـا هـل الديـن ...والله يلعـنّـا لـيـا مانصـرنـاه
تـســلــــم عــلى ألمـرووووور و ألقــصــيــدهـ أخـوي ’’ نــســل ألأحــرأأر ’’ ,,

وزي مــأأقلت ,, حكامنا كل سنه او سنتين يقولون سوف نحل القضيه الفلسطينيه وتجتمع اكثر من عشرين دوله ويقولون انتظروا وسوف ترون النتيجه الى متى ..؟؟
ألى مــتـــــــى.....


تـسـلـم عــلى ألتـعـليـق ,,

تـحـيــأأأأتي