عرض مشاركة واحدة
  رقم المشاركة : ( 1 )  
قديم 03 Nov 2008, 01:23 AM
الصورة الرمزية الامل المقتول
 
الامل المقتول

 الأوسمة و الجوائز
آخر تواجد للعضو
 بيانات الاتصال بالعضو
 اخر مواضيع العضو
  الامل المقتول غير متواجد حالياً  
الملف الشخصي
رقــم العضويـــة : 4895
تـاريخ التسجيـل : Nov 2008
المشاركـــــــات : 7 [+]
عدد الـــنقــــــاط : 10
قوة التـرشيــــح : الامل المقتول صاعد
Angry كلية الفقر والمجاعه عدد المشاهدات 2190 / عدد الردود 42

السلام عليكم ورحمة الله وبركاته

هذي إول مشاركه لي بالمنتدى وحبيت انها تكون عن شي يتعلق فينا {بنات الكليه}

الكليه اللي نشوفها بصراحه المدارس الابتدائيه أحسن منها بمليووووووووون مرره

أناماراح أتعمق كثير بالكليه لانه فيها اللي مايسر بس أنا راح أخذ موضوع واحد بس...

وهو المقصف اللي بالكليه حشا احنا في مدرسه والله اللي اعرف انه الكليات والجامعات فيها البوفيهات اللي تفتح النفس وتخلي الكل يتغذى..

مو هذي اللي عندنا وربي مافيها الا الفقر والجووع ولا ازيدكم من الشعر بيت كل اللي ينباع فيها من العصور الوسطى اللي انقرضت ماادري ايش اللي رجعها ..

والسبب كله يرجع الى احدى الاداريات بالكليه ( بدون ذكر اسامي ) اوهمت الاداره بانها راح تسوي وتسوي وتسوي ولا شفنا شي منها بس تاكل البنات مظلومات والله اي شي يشترونه بس يسدون جوعهم ..

كانت بالبدايه يسمح فيها جلب الاكل من البيوت وطبعا بعد مااستلمت الاداريه شئوون المقصف منعت منعا باتا جلب اي شي والسبب تبغي الفايده لنفسها وياليتها سوت شيء أو عدلت فيه الله لا يوريكم الوحده مننا تكون جوعانه ونفسها تاكل شي بس تشوف اللي عندهم ينسد نفسها ..

والله الكل يشتكي بس مين اللي يسمعنا

ودنا نكون زي أي كليه داخل السعوديه وين البوفيهات وين الاكل السنع وين المقصف النظيف والعاملات اللي فيه كلهم سودانيات الكليه شوي ويحتلونها ..

واللي بريال بريالين واللي بنص بريال واللي بربع بنص ايش الكلام هذا نصب عيني عينك عاد لو الاكل يينأكل كان قلنا ماشي الحال نتحمل بس اللي قاسي له اكثر من سنه عندهم واللي منتهي ..

ولا تعالوا شوفو السندوتشات ( جبن _ فلافل _ شكشوكه _ تونه _ صبه )

عدد الطالبات اللي بالكليه تقريبا 1000 طالبا وجايبين 40 حبه فلافل بالله ايش تسوي هاذي!!

طبعا الشكشوكه والتونه طبخ سودانيات ماناكله بس اللي مسكينه شوي ويغمى عليها من الجوع ومافي غيرها تضطر تشتري والله يستر عليها بعديين..

الصبه ياعالم فاضيه مافيها الا فلافل وخيار قالوا صبه قالوا وبكم ياترى __ بـ 3 ريال

والله حراااااااااااااااااااااااااااااااااااااااااااااااا ااااااااااااااام

على فكره اللي عندنا بالكليه

أطفال الروضه ماصاروا يشترون منه خلاص موضه قديمه طالعين بالجالكسي وشلته هههههههههههههه

وحنا لسه مكانك ستوب والله اذكر لما كنا بالمدرسه غيييير أكل ياسلام عليه ..

ولسه جايه لكم بالصور أخليكم تشوفون كل شيء ولو علي كان صورت لكم المقصف واللي فيه على شان تعرفون حالتنا مزريه اشلون..

طالبات حوالي 1000 ومقصف كذا حالته





للمعلوميه هذا بنص ريال شفتوا كيف عيونكم صارت




هذا بالله متى اخر مره شفته لما كان عمري5 سنوات كانت جدتي دايم توصيني اجيبه لها كانت تحبه مره

شوفوا لنا حل ياناس





هذا بريال بس مره رخيص بس تعالوا نفتحه نشوف كم فيه حبه ..






هههههههههههههههه هذا شكله حلوو بس والله امس صديقتي اشترت منه كبره كبر الاصبع ونحييييييييف حتى هو مسوين له رجيم ..


خليني اشوف لكم صور ثانيه...





البسكوت اللي محشي فيه والله ناكل تراب بس ابي اعرف كم له الاكل عندهم مخزن ..






المويا الصغيره بريال اجل الكبير بكم ؟؟
لا والله ازين نجيب لنا زمزميات اخوانا الصغار اوفر ولا زادت الاسعار كل شي زاد معاها






ليز شيء مو قديم علينا بس اللي اعرف ان في منها انواع واشكال الازرق والاصفر والاخضر

وفي منتجات ثانيه احلى بس من دخلت الكليه انا مااشوف الاى ليز ولا بعد حااااار بس

بس ابشركم اليوم شفت ازرق سوينا حفله هههههههههههههههه







هذا احلى شي عندهم بس للأسف مانلحق عليه يخلص بسرعه يجبون كرتون واحد وكذلك بريال

كل شي عندهم بريال مايحبون يقسمون شيء...






هذا أحمر بس اللي بالمقصف أخضر مايغيرونه ابدا

انا مالقيت في بقالتنا أخضر شريت أحمر طبعا احلى شوي





حزنت على حالنا والله وقلت لازم اتكلم حتى لو مافي أحد راح يساعدنا بس أقلها أحس اني سويت شيء للبنات ..


احلامنا الورديه :::

بوفيه فيها أكل اللي يرم العظم وطبعاً احنا في بداية البرد نبغى أشياء حاره ههههههههههههه مره طلبنا منهم كابتشينو جابوا لنا حليب وحطوا فوقه نسكافيه وقالوا هذا كابتشينو يضحكون على مين ..

نبغى سندوتشات كبده مقلقل صبه زي صبة السوق مو فلافل وخيار بس ونبغى شاورما وهمبرغر ترى والله البنات مستعدين يدفعوون بس على شي يستاهل عصيرات طازجه..

صح صح البنات وصوني اكتب إنهم يبغون ايس كريم ترى الجو مره حاااار



امممممممممممم وكمان نبغى جالكسي بجميع انواعه وسنيكرزس وتويكس ومارس وباونتي كل شيء بسكوت حلوو نبغاه بس ما يكون محجر..



او بشرط اذا مافي شيء راح يتغير بالمقصف أقل شي يسمحون لنا نجيب أكلنا من بيوت أهلنا أحسن من هذا اللي ناكله ..


للمعلوميه :

المقصف يطلع باليوم أكثر من 500 ريال هذا وأكلهم كذا فما بالكم لو كان الأكل حلوو ويستاهل والله يطلعون ذهب..



وأنا أقول اللي يفكر يفتح له مشرووع لايروح بعدين ويفكر ويتعب نفسه تعالوا استأجروا المقصف وعبوه من وإلى جيبوا عاملات فيه بس شرط مو سودانيات صعب التعامل معاهم..

والله تكسبون احسن من البقالات





طولت عليكم بالكلام بس هاذي معاناتنا وحبيت أطرحها لكم يعني اللي في يده شي ويقدر يساعد لا يقصر

مع إن طبعاً الأكثريه عنده خوات بنفس الكليه واللي يبي يتاكد ممكن يسأل ..


استأذنكم ..

اتمنى القى ردود وحماس بالموضوع يمكن الموضوع مايهمكم كثير بس يهمنا احنا والله..


تحياتي
رد مع اقتباس